उत्तराखंड-यूपी क रेलवे स्टेशन अर धार्मिक स्थलू तै को बम से उड़ाण की धमकी, अलर्ट जारी

रुड़की रेलवे स्टेशन क अधीक्षक कुणी डाक बिटी रुड़की अर हरिद्वार समेत दस रेलवे स्टेशनू तै बम से उड़ाण की धमकी भर्यू लिखयूं चिट्ठी मिली। चिट्ठी मा लश्कर-ए-मोहम्मद क एरिया कमांडर मैसूर अहमद क नाम जिक्र च, जै मा छह मई कुणी हरिद्वार समेत कत्ती धार्मिक स्थल अर 13 मई कुणी रुड़की रेलवे स्टेशन तै उड़ाण की धमकी दीयी च।

चिठी मिलन से रुड़की से मुरादाबाद तकन खलबली मच ग्यायी। आननफानन मा रेलवे अधीक्षक न मामले की जानकारी मुरादाबाद कंट्रोल रूम समेत जीआरपी अर आरपीएफ तै द्याय । साथ ही गंगनहर कोतवाली मा तहरीर दयायि। पुलिस न धमकी भरयू चिट्ठी की जांच शुरू करयाल ।

बृहस्पतिवार कुणी रेलवे स्टेशन अधीक्षक एसके वर्मा क घर डाक बिटी एक चिट्ठी पहुंची। उकी घरवलि न चिठी खोलींकन पढ़ी त उक होश उड़ गीन। उन स्टेशन अधीक्षक तै खबर दयायि तब घर पहुंचीन। उन चिट्ठी पढ़ी त वेमा लश्कर-ए-मोहम्मद क एरिया कमांडर मैसूर अहमद क नाम जिक्र छ्यायी।

चिट्ठी मा लिखयूं कि 13 मई कुणी रुड़की, हरिद्वार, देहरादून, लक्सर, रामपुर, शाहजहांपुर, बरेली, गोरखपुर, फैजाबाद, लखनऊ रेलवे स्टेशन पर धमाका करे जाल। जबकि, 16 मई कुणी हरिद्वार क हरकी पैड़ी, भारत माता मंदिर, चंडी देवी मंदिर, मंशा देवी मंदिर अर इलाहाबाद क कत्ती मंदिर अर अयोध्या समेत कत्ती धार्मिक स्थल पर भी धमाका ह्वाल । एक बाद उन मुरादाबाद कंट्रोल रूम, रुड़की जीआरपी अर आरपीएफ तै भी चिट्ठी की जानकारी दयायी।

Loading...

चिठ्ठी मिलन क बाद रुड़की रेलवे स्टेशन समेत आसपास क इलक मा अलर्ट जारी कर दिये ग्यायी। उने, इंटेलीजेंस, जीआरपी, आरपीएफ समेत पुलिस भी अलर्ट ह्वे ग्यायी। एसपी जीआरपी रोशनलाल शर्मा न बताया कि इन चिट्ठी पैल भी मिलीन। येकी जांच शुरू कर दीये ग्यायी। होर स्टेशन तै भी चिट्ठी की जानकारी दे दीये ग्यायी । आरपीएफ प्रभारी निरीक्षक सोनी शर्मा न बतायी कि मामला तै गंभीरता से दिखयाणा च।

रेलवे स्टेशन की बढ़ाई सुरक्षा

चिठी मा रुड़की समेंत कत्ती स्टेशनू तै उड़ाण की धमकी बाद पुलिस सतर्क ह्वे ग्यायी । पुलिस क बुन च कि एहतियातन सुरक्षा बढे दीये ग्यायी। जीआरपी अर आरपीएफ की तरफ बिटी रेलवे स्टेशन पर आण-जाण ह्वाल यात्रियू क सामान की तलाशी लीयाणा च। साथ ही रेलवे स्टेशन परिसर मा घूमण ह्वाल संदिग्धों से पूछताछ करयाणा च । ट्रेन मा भी चेकिंग अभियान शुरू करियाल।

पैल भी मिल चुकी गीन इन धमकी भर्या चिठ्ठी

पैल भी लक्सर अर हरिद्वार रेलवे स्टेशन अधीक्षक तै धमकी भर्या चिठ्ठी मिली चुकी गेन, लेकिन यी बार चिट्ठी मा उत्तराखंड समेत यूपी क कत्ती रेलवे स्टेशनू क भी जिक्र च। वखि, उत्तराखंड अर यूपी क धार्मिक स्थलू भी जिक्र च। लिहाजा पुलिस अर इंटेलिजेंस मामला तै गंभीरता से ल्याणा च। उत्तराखंड अर यूपी क पुलिस अधिकारी एक-दूसरे से संपर्क कना छन।

Loading...

Leave a Reply

Your email address will not be published. Required fields are marked *