पौड़ी लोकसभा सीट पर त्रिकोणीय मुकाबलाः कर्नल कोठियाल निर्दलीय लड़ल अब पौड़ी सीट बटी चुनाव, बीजेपी अर कांग्रेस द्वीयूं लूछी सकदन सीण खाण

पिछल कुच्छ बगत पैल बटी कर्नल कोठियाल नाम भाजपा तरफ बटी उम्मीदवार बणै कन पौड़ी लोकसभा सीट बटीक चुनाव लड सकदन यन कयास लगणा छ्यायी। सब्यूं तै लगणा छ्यायी कि आर्मी बैक ग्राउण्ड अर पौड़ी सीट सैनिक बाहुल्य सीट हूण कारण कर्नल कोठियाल पर भाजपा दांव लगै सकदी। लेकिन ऐन बगत पर भाजपा हाईकमान न कर्नल कोठियाल जगह मा तीरथ सिंह रावत तै टिकट दे द्यायी अर काग्रेस न भुवन चन्द्र खंडूंडी नौन मनीष खंडूडी पर पंजा निशान देखीकन दांव लगै याल। अब यन देखी कन कर्नल कोठियाल अर उंकी टीम फैसला ल्यायी कि अब उ पौड़ी लोकसभा सीट बटे निर्दलीय चुनाव लड़ल, जैक उन ब्याळी ऐलान भी करी द्यायी। कर्नल कोठियाल न ब्वाल कि उ 25 तारीख तकन अपर नामाकंन कर सकदन। मतलब या च कि कर्नल कोठियाल सेना पूर तौर पर तैयार च ये चुनाव लड़न कुणी अर ये खातिर उंकी रणनीति भी तैयार ह्वे ग्यायी।
कर्नल कोठियाल निर्दलीय चुनाव लड़ना छन, पौड़ी तै पैल काग्रेंस गढ मणे जांद छ्यायी लेकिन बगत बदली त मतदाताओं मूड़ भी बदली अर जब बटे वर्तमान सांसद भुवन चन्द्र खंडूडी कमल फूल पर चुनाव लड़ी तब बटी यख मतदायाओं क मूड़ भी कमल ह्वाळ ह्वे गे छ्यायी, जै कारण कर्नल कोठियाल कुणी राष्ट्रीय पार्टियूं क वोटर मा सेंध मन आसान नी च। लेकिन वखी कर्नल कोठियाल निर्दलीय चुनाव मा उतरण से बीजेपी अर काग्रेंस तै सीधा सीधा नुकसान ह्वे सकदू। येक ज्यादा असर बीजेपी पर पड़ल। कर्नल कोठियाल सैनिक पृष्ठभूमि से जुड़या छन, अर पौड़ी सीट सैनिक बाहुल्य सीट मने जादं। सैनिकू वोट अधिकतर बीजेपी कुणी जै करदन अब कुच्छ वोट अब कर्नल कोठियाल तरफ जै सकदन जैक असर बीजेपी पर पड़ल। वखी काग्रेस तै यूथ वोट मिलद भी त कर्नल कोठियाल यूथ पर अच्छी पकड़ मने जांद जैक असर सीध सीध काग्रेंस वोट पर पड़ल। कर्नल कोठियाल टीम जोश देखी कन त यनी लगणा कि पौड़ी सीट समीकरण बौत कुच्छ बिगड़ जाल जैक असर जरूर द्वी राष्ट्रीय पार्टियूं पर पड़ल। अब दिखण ह्वाळ बात या च कि ये त्रिकोणीय मामला मा पौड़ी बटी कमल खिलदू या फिर पंजा बाजी मरदू। लेकिन कखी ना कखी कर्नल कोठियाल ब्यक्तित्व अर लोकप्रियता खासकरी कन उं कू यूथ वोटर्स बौत कुच्छ बदलाव यीं सीट पर दिखे कन कर्नल कोठियाल तै दिल्ली संसद भवन पौछदन।

Loading...

Leave a Reply

Your email address will not be published. Required fields are marked *