जम्मू कश्मीर मा एक होर मेजर शहीद, घर मा छयूँ मातम, तीन मैना पैल बणी छ्यायी बेटी पिता

जम्मू कश्मीर कुपवाडा मा सेना तरफ बिटी सर्च आपरेशन क दौरान एंबुश लगांद बगत खुट्ट रड़न कारण मेजर विकास सिंह गेरू भ्याळ मा लमडी गेन अर गंभीर रुप मा घायल ह्वे गेन। उते इलाज खातिर सेना क कमांड हास्पिटल मा भर्ती करये ग्यायी जख उपचार क दौरान आज सुबेर 5 बजे उकी मौत ह्वे ग्यायी।


ताड़ीघाट गांव निवासी स्व. जितेंद्र सिंह क नौन मेजर विकास सिंह (31) की मौत की खबर उकी पत्नी आंचल सिंह ज्वा अपर मैत मा छेयी वी तै सेना क अधिकारियू न द्याय । येक बाद या खबर वींन ताड़ीघाट अपर सुसरास ह्वाल तै द्यायी । खबर मिल्दी ही परिवार मा कोहराम मची ग्यायी। गांव मा सन्नाटा छै ग्यायी। सूचना मिलद ही सुहवल थानाध्यक्ष राजू कुमार जवान क घर पौछी गेन। वख शोक संतप्त परिजनू तै ढांढस बंधायी। ये पूर मामला की जानकारी उच्च अधिकारियू तै द्याय । मेजर विकास सिंह की मौत की सूचना मिलद ही उक पैतृक आवास पर भीड लगी ग्यायी। परिजनू क मुताबिक मेजर विकास 12 राज राइफल्स मा कूपवाडा मा तैनात छ्यायी। अपर होर दगड्यो दगड़ी क्षेत्र मा गश्त पर निकळी छ्यायी । अचाणचक उक खुट्ट रड़ी ग्यायी जैसे उ गंभीर रूप मा घायल ह्वे गेन। सेना क जवान उते सेना क कमांड अस्पताल ली गेन गए जख उक मौत ह्वे ग्यायी।

Loading...

उ अपर मां-बाप कइकलौता नौन छ्यायी । उक पिता की मौत करीब तीन दशक पैल ह्वे गे छेयी। विकास की प्राथमिक शिक्षा-दीक्षा बंगाल मा ह्वाई। वेक बाद उ राष्ट्रीय इंडियन मेडिकल कालेज देहरादून अर वेक बाद पूना क खडगवासला मा एनडीए मा साल 2010 मा लेफ्टिनेंट क पद पर चयन ह्वाई। 28 फरवरी 2018 कुणी बलिया की रण ह्वाळी आंचल सिंह क दगड़ी ब्यो ह्वाई। यूकी तीन मैना की नौनी वृद्धि सिंह च। मेजर विकास कुछ मैना पैली अपर ऐ छ्यायी। वाराणसी मा उक बणयू नै घ्रर क गृहप्रवेश कराण की उकी इच्छा अधूरी रै ग्यायी। परिजनू क मुताबिक उक पार्थिव शरील सोमवार कुणी दिन मा आण की खबर च ।

Loading...

Leave a Reply

Your email address will not be published. Required fields are marked *