गुरू बदली अपणी चाल, यूं राशि लोगू तै संभळी चलण पड़ल अर यूंकी चमकली किस्मत

वैदिक ज्योतिष मा गुरु क गोचर बौत महत्वपूर्ण मणे ग्यायी। गुरु जिदंगी मा उन्नति क रस्त मने ग्यायी। ये कारण ही यूं तै ज्योतिषशास्त्र मा बौत शुभ मने ग्यायी। बृहस्पति े शुभ प्रभाव हूण से मनखी मन मा अध्यात्म अर धार्मिक काम मा लगदू। गुरु करियर मा उन्नति, स्वास्थ्य अर आर्थिक स्थिति तै मजबूत करदू। ज्योतिषाचार्य पंडित वीरेन्द्र जुयाल गणना हिसाब से साल 2018 मां बृहस्पति देव ज्यादा बगत तुला राशि मा गोचर करे जाल। 11 अक्टूबर गुरुवार दिन मा रात 8.39 बजे तुला राशि बटी चलीकन वृश्चिक राशि मा पौंछी गेन। 30 मार्च, 2019 यानि शनिवार कुणी रात 3.11 तक यानी छह महीना तकन राशि मा बैठ्या राल। गुरु क यू गोचर अलग अलग राशियूं पर अलग-अलग प्रभाव पड़ी। आवा जणला कि राशियूं पर ये गोचर क प्रभाव कन राल।

मेष राशि : ये राशी लोगू कुणी गुरू यू गोचर ज्यादा सुन्दर नी च। भाग्य दगड़ू नी मिलणू ह्वाळ। गुरु की पूजा अर्चना करी कन प्रयास कन नी छुड़न। बेमतलब इनै उनै भागदौड़ ह्वेली। रिसर्च से जुडया लोगू तै येकू फैदा मिललू। साइंस या पढै मा लग्यां लोगू तै अपणू काम मा सफलता मिलली अर यूं दगड़ शनि अर बुध क नक्षत्र मा आण से बौत बढिया नतीजू समणी ऐ सकदन।

वृषभ राशिः सैणी मैस्यूं तै एक दूसर तरफ बटी कुच्छ खुशी मिल सकद। ब्यो बंद ह्वाळू जीवन मा द्वी चार दिन रंगत रैली। साझेदारी करण से व्यापार मा फैदा मिललू। नौकरी, व्यवसाय अर पैसों से जुडयूं मामला मां सोच-समझकर फैसला लिये जाव। करियर मा परेशनी आली। जंक फूड अर कचर पचर से दूर रण। लदवड़ अर खाण प्याण ध्यान रखण। गुरु क ये गोचर क दौरान तुम तै मिल्या जुल्या नतीजू मिलल।

मिथुन राशि : ये दौरान दुश्मन अर विरोधी परेशान करल। भै बैण्यू दगड़ी अणबण ह्वे सकदू। सेहत तै लेकन चंट चितवळ रण पड़ल। कत्ती प्रकार परेशनियूं सामना कन पड़ल। अच्छी नौकरी मिल सकदी अर दगड़ मा करियर मा भी नफा ह्वे सकदू। ब्यौं बंद ह्वाळ जिदंगी मा दिक्कत ह्वे सकदी अर दगड़या से दूर भी रण पड़ सकदू। कानूनी मामला मा भी परेशनी ह्वे सकदी। नौकरी मा भी तुम पर बकै लग सकदी। सरकरी नौकरी करण ह्वाळ ये राशी लोगू तै चंट चितवळ रण जरूरत च। भाग क भी भतांग लग सकदू, प्रयास सफल नी हूण क।

कर्क राशि : घर मा क्वी नै नौन्याळ जलम ह्वे सकदू, संतान सुख मील सकदू। कै बड़ू अधिकारी मदद मिल सकदू। भलू लोगू संगत मा रण मौका मिलल। ये बगत तुम खूब मौज मस्ती उडै़ली अर तुमर ज्यादा बगत हंसद खिलद बीतल। भाग पर बिण्डी भरोसू करली। कब्बी कब्बी स्टॉक मार्केट मा भी फैदा ह्वे सकदू, पर बड़ू निवेश करण से बचीन अर अपणी लालसा पर खुटळू लगै कन रखीन।

सिंह राशि : यू गोचर आप लोगू कुणी थुड़ा कष्टकारी ह्वे सकदू। दगड़यो अर रिश्तेदारू दगड़ी अणबण ह्वे सकदू, बदनमी अर बेज्जती अर कुबचन सुणन कूणी मिल सकदन। लेकिन यन भी च कि घऽर मा क्वी शुभ काम ह्वे सकदू। रोज उठण बैठण मा थुडा बदलाव ऐ सकदू। स्टॉक मार्केट मां नुकसान उठाण पड सकदू। लॉटरी जणी चीज मा रूप्या ना लगैन तुम तै कुच्छ यन सुपीन भी दिख्याल जू ऐथर जैकन सच्च भी ह्वे सकदन।

कन्या राशिः व्यापार मा चुनौती सामना कन पड़ सकदू। बिजनेस मा रूप्या निवेश करण से बचीन। लापरवै कारण प्रमोशन भी रूक सकदू। मेहनत अर लगन से काम मा लग्यां रैन। घऽर बदल्याण योग बण सकदन। ट्रांसफर योग भी बणना छन। क्वी नै गाड़ी भी ले सकदो। व्यापार में चुनौतियों का सामना करना पड़ सकता है। बिजनेस में किसी तरह का निवेश करने से बचें। लापरवाही की वजह से प्रमोशन रूक सकता है। मेहनत और लगन के साथ काम करें। घर बदल सकते हैं। स्थानांतरण के योग बन रहे हैं। कोई नया वाहन खरीद सकते हैं। वैवाहिक जीवन में कोई शुभ समाचार मिल सकता है। प्रेम संबंधों में प्रगाढ़ता आएगी। कम्यूनिकेशन बेहतर हो पाएगी।

तुला राशिः रूप्या जमा करली अर धन लाभ की पूर संभावना च। निवेश कर सकदो। जल्दबाजी मा क्वी फैंसला नी लीण। दूसर लोगू तै भी प्रभावित कर सकदा। प्रमोशन मिल सकदू। ये दौरान तुमर जीवन मा बौत कुच्छ भलू ह्वे सकदू। प्रतिद्वंद्वी तुमर समणी नी टिक पाणक हेंगे। कला अर जादू ट्वाण कन ह्वाळ लोगू कुणी यू सुंदर बगत च। ये बगत ब्वे तबियत बिगड़ी सकदी उंक ध्यान रखीन।

वृश्चिक राशिः ये दौरान तुम तै कष्ट उठाण पड़ सकदू। चुनौती अर परेशनी ऐ सकदन। घऽर बदलण भी योग छन। खर्च बिण्डी हूण से कीसा ढिल्लू ह्वे सकदू। परिवार मा क्वी नै मेहमान ऐ सकदू ये साल न ता अगली साल ऐ सकदू। जैक ब्यो बंद नी हूणा ह्वेक ब्यौ दिनवार जूड़ सकदू।

धनु राशिः मानसिक तनाव बढ़ सकदू। बिना बातू चिंता अर तनाव मा नी रण। धीरज अर संयम से काम ल्याण। रूप्यो लेन देन मा चंट चितवळ रण। निवेश करण सै बगत नी च। तुम तै कत्ती नै जगह यात्रा भी कन पड सकदू लेकिन वैक क्वी फैदा नी मिलण क। ये बगत घर भी बदलन पड़ सकदू। वृश्चिक राशि मा गुरु क गोचर हूण कारण तुम तै अपणी जलम भूमि छोड़ी कन भी जाण पड़ सकदू।

मकर राशिः प्रोफेशनल जिदंगी मा सफलता मिलली। आफिस मा प्रमोशन मिल सकदू। नै रोजगार या व्यवसाय कर सकदो। संतान सुख मिल सकदू।। भै बैण्यूं तरफ बटी भी क्वी फैदा ह्वे सकदू। दगड़यो अर ख्याळ म्याळू मा खर्च ह्वे सकदू।घर मा छ्वट लोगू से तुम तै मदद मिल सकदू। ये बगत उल्ट सुल्ट खर्च पर मुठ्ठी टैट रखण। बवासीर जणी बीमरी भी ह्वे सकदू। शनि क नक्षत्र मा तुम तै क्वी नखरी खबर सुणन कुणी मील सकदी। गुरू बरों भाव तै दिखणा जै कारण तुम तै नुकसान, असफलता शक, बदला अर तनाव यी सब्ब झिलन पड़ सकदन।

कुंभ राशिः सहकार्मिकू दगड़ी मन मुटाव ह्वे सकदू। सेहत पर भी नखरू प्रभाव पड़ल। मानसिक तनाव राल। बौत मेहनत कन पडली तब जैकन सफलता मिलली। करियर नजर से यू बौत बढिया टैम च ये बगत खूब मौज उडैली। नै नौकरी तुमर इंतजार कना छन तुम तै सुंदर मौका मिलल। ब्यापार मा भी फैदा ह्वाल अर तुम होर से बढिया काम करली।

मीन राशिः प्रमोशन अर तनख्वा बढ सकदी। जीवन मा सुख शांति अर खुशहाली रैली। घर्म अर पूजा पाठ मा रूचि बढली। बुब्बा दियीं सलाह से फैदा मिललू। शनि नक्षत्र मा भलू नतीजा दिखणा कुणी मिलल। तुमर दगड़ भलू बुरू द्वी दगडी ह्वाल किलै कि शनि बारवा भाव मालिक च। तुमर मान सम्मान बढल अर तुम ये बगत खूब आनंद लेली।

Leave a Reply

Your email address will not be published. Required fields are marked *