अब ये चैनल पर दिख्याल केदारनाथ पुनर्निर्माण कार्य, टीम पहुंची केदारनाथ

नेशनल ज्योग्राफिक चैनल की तीन सदस्यीय टीम केदारनाथ पौछी ग्यायी। टीम एक हफ्ते तकन धाम अर पैदल रस्ता क महत्वपूर्ण दृश्यों तै शूट करल। चैनल केदारनाथ मा पुनर्निर्माण अर केदार यात्रा पर कि छवटी फिल्म बणाली, जू क्रमश: 45 व 10 मिनट की ह्वेली।

आपदा क बाद बिटी केदारनाथ पुनर्निर्माण मा गुजरणा च। ये काम तै नेशनल ज्योग्राफिक चैनल देश-दुनिया तै बताल। चैनल बिटी पुनर्निर्माण काम मा अपणये ग्यायी गई तकनीक दगड़ी ही खराब मौसम अर विषम परिस्थितियू मा मजदूर द्वारा करे जाण ह्वाल काम तै लोगू तै दिखये जाल।

चैनल गौरीकुंड बिटी केदारनाथ तकन पैदल रास्ता की स्थिति क बाबत बतये जाल। 45 मिनट की लघु फिल्म मा आपदा से पैल अर आपदा क बाद अभी तक हुया पुनर्निर्माण मा बदलयूं रूप तै बतये जाल। एक अलावा चैनल बाबा केदार की यात्रा क धार्मिक, सांस्कृतिक अर सामाजिक महत्व पर भी 10 मिनट की लघु फिल्म तैयार करल। फिल्म मा पैदल रास्ता बिटी धाम पहुंचण ह्वाल यात्रियों क अनुभवों तै भी साझा करल।

बाबा केदार की यात्रा अर केदारघाटी क आपसी संबंध तै भी चैनल बताल। जिला आपदा प्रबंधन अधिकारी हरीश चंद्र शर्मा न बतायी कि नेशनल ज्योग्राफिक चैनल की टीम गौरीकुंड बिटी केदारनाथ तक शूटिंग करल। एक हफ्ते तक हूंण ह्वाल शूटिंग बिटी केदारनाथ पुनर्निर्माण अर केदारनाथ यात्रा पर द्वी लघु फिल्म बणये जाली। टीम आगामी 9 मई कुणी कपाट खुलण पर भी केदारनाथ आली।

Leave a Reply

Your email address will not be published. Required fields are marked *