मतदान कन पर 10 परिवारू क गांव करो न करी सामाजिक बहिष्कार, मंदिर मा जांण पर भी लगाई रोक

उत्तराखंड क बागेश्वर मा विधान सभा कपकोट क गांव डौला क दस परिवारू क लोकसभा चुनाव मा मतदान कन पर सामाजिक रूप से बहिष्कृत हूंण दंश सैण पड़ना । गांव ह्वालू न यूँ परिवार तै मंदिर मा जाण पर रोक लगे दयायी अर रास्ता रुकण, बिजली, पाणी समैत होर हक हकूकों से वंचित कन की धमकी भी दियी।

पीड़ित पक्ष बृहस्पतिवार कुणी जिलाधिकारी समणी सुरक्षा की मांग तै लेकन पहुंची त मामला खुली कन समणि आयी। डीएम न ये मामला मा जांच का आदेश दीण क दगड़ी पुलिस अधीक्षक से प्रभावित परिवारू तै सुरक्षा द्याणा कुणी बुल्यू।

दरअसल, लोकसभा चुनाव क दौरान डौला गांव क लोगू न सड़क समेत होर समस्याओं क समाधान नी हूंण पर चुनाव बहिष्कार की धमकी दे छेयी। यी धमकी तै देखि कन स्वीप की टीम ये गांव मा पौंछी अर अधिकारियूँ न गांव ह्वाल तै वोट डलण कुणी सहमत कन क दावा भी करी।

11 अप्रैल कुणी मतदान दिन ये गांव क बूथ पर 177 मनन मात्र 28 वोट पडींन। 25 वोट गांव क ही मतदाताओं क च अर बाकी तीन मतदान कर्मियू क छ्यायी। साफ च कि मतदान मा अधिकतर मतदाताओं न हिस्सा नि ल्याई।

Loading...

बृहस्पतिवार कुणी जिलाधिकारी से मिलीकन पीड़ित पक्ष न गांव क प्रधान हंसी देवी, प्रधान पति नैन सिंह, सरपंच मोहनी देवी, पूर्व सरपंच मोहन सिंह आदि क खिलाफ शिकायत करी। डीएम से मिली कन नवीन सिंह, गंगा सिंह, नरेंद्र सिंह, नंदी दानू होरु क यह भी बुलंण च कि गांव क सरकारी सस्ते गल्ले की दुकान से उते राशन भी नि ल्याण दीण छन ।

यू 24 मतदाताओं न करी चययायी मतदान
प्रवीण सिंह, नवीन सिंह, हिम्मती देवी, उमा देवी, जमुना देवी, भजन सिंह, रमुली देवी, खीम सिंह, कौशल्या देवी, गंगा सिंह, देवकी देवी, गायत्री देवी, प्रवीण सिंह, रमेश सिंह, हिमुली देवी, प्रकाश सिंह, ऊषा देवी, गजेंद्र सिंह, लीला देवी, खिलपा देवी, पुष्पा दानू, नंदी देवी, नरेंद्र सिंह, प्रभा दानू।

मामले की जांच एआरओ कपकोट तै कना कुणी बुले ग्यायी। मतदान कन ह्वाल ग्रामीणू तै पर्याप्त सुरक्षा दीण खातिर एसपी कुन बुलये ग्यायी। जल्द रिपोर्ट आण क बाद कार्रवाई करे जाली।
– रंजना राजगुरु, डीएम बागेश्वर

Loading...

Leave a Reply

Your email address will not be published. Required fields are marked *