नारायण दत्त तिवारी क बेटा रोहित शेखर तै पड़ी दिल दौरा, दौरा पड़न से मौत

कांग्रेस क दिवंगत नेता नारायण दत्त तिवारी क बेटा रोहित शेखर क दिल दौरा पड़न से निधन ह्वे ग्यायी।

कांग्रेस क दिवंगत नेता नारायण दत्त तिवारी क बेटे रोहित शेखर का दिल दौरा पड़न से निधन ह्वे ग्यायी। बतये जांद कि उते दिल्ली क मैक्स साकेत अस्पताल मा भर्ती करये गे छ्यायी। जख डॉक्टरू न उते मृत घोषित कर दयायि। हालांकि दिल्ली पुलिस क बुलण च कि पोस्टमार्टम रिपोर्ट आण क बाद ही मौत की वजह साफ ह्वे पाली। शुरुआती तौर पर अनुमान लगायाणा च की मौत हार्ट अटैक से ह्वाई।

गौरतलब च कि रोहित शेखर न पिछले साल अप्रैल मा ही मध्यप्रदेश की अपूर्वा शुक्ला दगड़ी माँगण करी छेयी। रोहित अर अपूर्वा की माँगण रोहित क दिल्ली स्थित घर मा ह्वे छेयी अर मई मा रोहित अर अपूर्वा परिणय सूत्र मा बंधी गे छ्यायी। रोहित की ब्यो मा राजनीति से जुड़या कती बड़ नेता भी शामिल ह्वे छ्यायी।

सगाई क बाद रोहित अर अपूर्वा मैक्स हॉस्पिटल गे छ्यायी जख रोहित क पिता एनडी तिवारी क इलाज चलणु छ्यायी। बते दिवा कि अपूर्वा मध्यप्रदेश क इंदौर से च अर तब सुप्रीम कोर्ट मा वकील क बतौर पर प्रैक्टिस कनी छेयी। रोहित न जनवरी 2017 मा भारतीय जनता पार्टी की सदस्यता ले छेयी।

एनडी तिवारी का पारिवारिक जीवन भी विवादों से घिर्यू रायी। तिवारी न 1954 मा सुशीला तिवारी दगड़ी ब्यो करी छ्यायी। अर 14 मई 2014 कुणी उज्ज्वला तिवारी से 88 साल की उम्र मा ब्याव करी छ्यायी। रोहित शेखर न दावा करी छ्यायी कि एनडी तिवारी उक जैविक पिता छन अर ये तै साबित कना खातिर उन साल 2008 मा कोर्ट मा मुकदमा दायर करी छ्यायी, जै पर कोर्ट न डीएनए टेस्ट कराण क आदेश दे छ्यायी। पैल त एनडी तिवारी न डीएनए टेस्ट कुणी सैंपल दींण कुणी इनकार कर दे छ्यायी। बाद मा उन कोर्ट क आदेश तै मानि कन कानूनी रूप से रोहित तै अपर बेटा मानी छ्यायी अर संपत्ति क वारिस बणायी।

Leave a Reply

Your email address will not be published. Required fields are marked *