जिलाधिकारी मंगेश घिल्डियाल की सुंदर पहल से यीं बार केदारनाथ मा पहाड़ी संस्कृति क भी ह्वाळ दर्शन, दगड़ मा खाणा कुणी मिलल यी पहाड़ी ब्यंजन,

यीं बार देश दुन्या बटी केदारनाथ धाम मा आण ह्वाळ यात्री पहाड़ी ब्यजंन क खूब रस्याण लींद नजर आल। ये खातिर प्रशासन न तैयरी कन शुरू करी याल। जत्रवें खातिर हाट बजार मा पहाड़ी ब्यजंन दगड़ी पहाड़ी संस्कृति क दर्शन करये जाल। ये से देश दुन्या मा पहाड़ी व्यजंन क ब्राडिंग ह्वेली, वखी पहाड़ी स्तर पर रोजगार क मौका भी मिलल। वखी प्रशासन केदारनाथ मा यात्रा की तैयरियूं मा लगी ग्यायी। केदारनाथ यात्रा आगामी नौ मई बटी शुरू ह्वे ग्यायी। ये कुणी प्रशासन तैयरी मा जुटी ग्यायी। तय इन ह्वायी कि ये बार यात्रियूं तै भोजन मा स्थानीय उत्पादू से बण्यूं पहाड़ी व्यजंन परोसे जाल। ये खातिर केदारनाथ बेस कैम्प मा हाट बजार बणये ग्यायी। सब्बी दुकान प्रशासन तरफ बटी स्थानीय युवा पढवळी अर ब्यापारियूं तै बंटे जाल। यन कन पैथर धेय यन च कि जत्रवें तै पहाड़ की संस्कृति अर पंरपराओं से परिचित करवाण। येक अलावा पहाड़ मा तैयार हूण ह्वाळ विभिन्न उत्पादूं अर पारपिंरक लर लत्ता (वस्त्र) तै बिचण कुनी भी केदारनाथ मा हाट बजार बणये जाल।
बतै दिवां कि रूद्रप्रयाग जिला मा द्वी हजार बिण्डी महिला समूह दगड़ी महिला मंगल दल अर होर संगठन गांव- गांव पहाड़ी उत्पाद कठ्ठी कना छन। ये बाबत प्रशासन तरफ बटी सोनप्रयाग अर केदारनाथ मा कलेक्शन सेंटर बणये गेन। येक दगड़ी केदारनाथ क होटल तै अपर मेन्यू मा पहाड़ी ब्यजंन शामिल कना कुणी प्रशासन तरफ बटी जरूरी दिशा निर्देश भी दियाणा छन। जिलाधिकारी मगेंश घिल्डियाल क अनुसार हाट बजार मा स्थानीय उत्पाद से तैयार ब्यजंजन की बिक्री से ये सीध फैदा स्थानीय किसाणूं तै ह्वाल। येक दगड़ी पहाड़ी उत्पाद की मॉग बढण से परंपराओं क भी संरक्षण ह्वाल।

Loading...

पहाड़ी भोज मा यी मेन्यू करे ग्यायी तैयार
यात्रा सीजन बाबत प्रशासन तरफ बटी पहाड़ी ब्यजंन क मेन्यू तैयार कर लिये ग्यायी। ये मा चून रूट्टी, ल्यासण की चटणी, गहथू दाळ,अर फाणू, उड़दू दाळ क चैंसू झंगवरू की खीर, लाल भात जणी पारपंरिक ब्यजंन शामिल छन। येक अलावा धाम मा मिलण ह्वाळ प्रसाद भी स्थानीय उत्पादू से ही तैयार करे जाल।

Loading...

Leave a Reply

Your email address will not be published. Required fields are marked *