रूस रैवासी एलेना तै भायी हिंदू संस्कृति, उत्तराकाशी प्रभात बिष्ट दगड़ी करी ये जगत प्रसिद्व मंदिर मा ब्याव

उत्तरकाशी। हिंदू धर्म अर भारतीय संस्कृति क प्रति विदेशियू मा आकर्षण बढ़द जाणा । रूस की एलेना वेल्चाव न दुबई मा काम कन ह्वाल उत्तरकाशी क प्रभात बिष्ट तै अपर जीवन साथी बणायी अर सात समंदर पार कर उत्तरकाशी एकन काशी विश्वनाथ तै साक्षी मानि कन हिंदू रीति रिवाज से वेक दगड़ी सात फ्यार लेन। एलेना क ब्वे बुबा अर सहेली क दगड़ी ब्योला क परिजन ब्यो मा शामिल ह्वेन।

Loading...

ज्ञानसू उत्तरकाशी रैवासी जयेंद्र बिष्ट नौन प्रभात बिष्ट पिछल कती साल बिटी दुबई क एक होटल मा काम करद। साल 2016 मा वेक परिचय वेई होटल मा काम कन ह्वाली रूस की एलेना से ह्वाई। दोस्ती परवान चढ़ी त द्वियूँ न ब्यो कन फैसला करी । ब्यो से पैल द्वी बार भारत की यात्रा पर अई एलेना तै भारतीय संस्कृति इन भायी कि उसने हिंदू रीति रिवाज मा ही ब्यो कन क फैसला करी। परसि 12 अप्रैल कुणी एलेना अपर माता वीरा वेल्चाव अर पिता एवजिनी वेल्चाव व सहेली इरिमा एल्टिमेनिको दगड़ी उत्तरकाशी आयी। यख एक होटल मा उक ठहरण अर शादी की रस्मे पूर कन की व्यवस्था करे ग्यायी। शनिवार रात मा होटल मा मेहंदी अर इतवार सुबेर मंगल स्नान की रस्म ह्वाई। इतवार कुणी बैसाखी पर्व पर पुरोहित धर्मानंद नौटियाल न हिंदू रीति रिवाज से द्वियूँ क ब्यो संपन्न करायी। ये मौका पर ब्योला क नन्ना बुद्धि सिंह कुमाईं, त्रेपन सिंह, लोकेंद्र सिंह, विजय सिंह, संदीप कुमाईं, सुभाष कुमाईं, आशीष जोशी, कुलदीप गुसाईं, राजदीप परमार, रणवीर सिंह अर होर मौजूद रैन।

Loading...

Leave a Reply

Your email address will not be published. Required fields are marked *