चाय ह्वाळ बण्यूं प्रधानमंत्री, वखी उत्तराखण्ड मा चाय बिचण ह्वाळ नौन तै मिली एक करोड़ रूप्या क सालान पैकेज न्यूत, छै घण्टा की मेहनत न बणें द्यायी जिंदगी

चाय की दुकान चलाण ह्वाळ उत्तराखण्ड क मोहन सनवाल क बेटा सचिन सनवाल न बड़ी कामयाबी हासिल करी। बिडला इंस्टीट्यूट ऑफ अप्लाईट सांइसेज भीमताल क बीटेक चौथ साल क छात्र सचिन क चयन कनाडा की बहुराष्ट्रीय कंपनी ऐरोफ्लोट कुणी ह्वे ग्यायी।
कंपनी उंते भारतीय रूप्यों हिसाब से सालान एक करोड़ रूप्यों की पैकेज देली। कंपली न उतें सालाना पैकेज दगड़ी होर खर्च दीण क न्यूत पत्र भी भ्याजी। संस्थान क निदेशक डॉ0 बी0एस0 बिष्ट न बतै कि सचिन मेधावी छात्र च। उंक ब्वे बुबा तै कॉलेज मा बुलेकन बधै दिये ग्यायी।
ये से पैल भी कॉलेज क छात्र मुनीर खान क चयन सर्न लैब स्विटजरलैण्ड मा वैज्ञानिक क पद पर ह्वायी। द्वीयू की डिग्री जून 2019 मा पूर ह्वे जाली। कॉलेज क अध्यक्ष पद्यभूषण डॉ श्रीकृष्ण जोशी, उत्तराखण्ड तकनीकि विश्वविद्यालय क कुलपति डॉ0एन0एस0 चौधरी कुलसचिव डॉ अनीता, रावत अर प्रबंधन भी बधै द्यायी।
छै घंटा की मेहनत से बणी अर संवरी जिदंगी
सचिन न बतै कि उ घऽर म रोज नियमित छै घण्टा पढै करदू। अंग्रेजी सुधरणा खातिर वैन काफी मेहनत करी। उ एक मध्यम वर्गीय परिवार बटी क च। उंक पित मोहन सनवाल भीमताल बजार मा छ्वटू सी रेस्टोरेंट चलांद, जै मा चाय अर होर सामान बिचद, जबकि मॉ रेनू सनवान घर्या च। छ्वटी भुली आकांक्षा सनवाल न 12 की परीक्षा द्यायी। सचिन न 12वीं तकन लेक्स इण्टरनेशन स्कूल बटी करी। सचिन बुलण च कि ऑनलाईन आवेदन कना बाद उंक ऑनलाईन इंटरव्यू ह्वायी, उं कुणी जुलाई या अगस्त तकन ज्वाइन कना कुणी बुले ग्यायी। उ अब अपर पासपोर्ट अर वीजा बणाण की तैयरी कना छन। सचिन बतै कि उंक चयन ऐरोफ्लोट एविएशन की कास्केड एयरोस्पेस के लिए हुआ है। कंपनी मुख्यालय 1337 टाउन लाईन रोड़ अबोटसफोड, बीसी कनाडा मा च।

Loading...

Leave a Reply

Your email address will not be published. Required fields are marked *