कख हरचीन प्रत्याशियूं विकास मुद्दा, यख सड़क अभाव मा मरीज तै कंधों पर दस किमी दूर मुख्य सड़क तकन पौंछायी

पौड़ी लोकसभा सीट की नरेन्द्र नगर विधानसभा मा दोगी पट्टी कुच्छ गॉव अजों भी सड़क सुविधा से बंचित छन। यख कत्ती गॉव क लोगू तै आज भी मुख्य सड़क तकन पहॅुचण खातिर दस किलोमीटर से ज्यादा दूरी तय कन पड़द। सड़क नी हूण पर बीमार महिला क परिजनू तै डण्डों सार पर मुख्य सड़क तकन पौछयें ग्यायी।
नरेन्द्र नगर विधानसभा क दोगी पट्टी क्षेत्र मा पिछल कुच्छ साल मा हालांकि सड़क पौछण से गौं लोगू की परेशनी कुच्छ कम जरूर ह्वायी, पर अजों भी बौत से गॉव सड़क से बंचित छन। अधिकांश यन गॉव छन जखा कुणी सड़क बणन प्रस्तावित छन पर अजों तकन बणी नी पायी। नतीजा या च कि ग्रामीण तै आठ से दस किलोमीटर की दूरी पैदल हिटी कन जाण पड़द। बड़ी परेशनी तब हूंद जब गॉव मा क्वी बुढ्या या जनन बीमार ह्वे जांद।
परसी इतवान कुणी नौडू गॉव की एक अधेड़ जनानि कीड़ी देवी बीमार ह्वे ग्यायी। वा चलन फिरण मा अस्वस्थ छेयी। गौं लोगू न उं तै डंडों मा बॉधीकन दस किलोमीटर दूर चौक नौ की जगह मा पौंछायी। यख बटी सड़क शिवपुरी मा मिलद। जनी कनी करी कन ऋषिकेश क अस्पताळ मा पौछयें ग्यायी। गॉव क उप प्रधान सुरेन्द्र सिंह भण्डारी न बतै कि नौड़ू गॉव बाबत सड़क स्वीकृत च। लेकिन, अजों सिरफ द्वी किलोमीटर ही तकन कटीं च, वख तकन भी गाड़ी जाण मुश्किल च।

Loading...

Leave a Reply

Your email address will not be published. Required fields are marked *