ये 06 गाॅव मा पाणी बड़ी दिक्कत शुरू, गाॅव लोग कना छन सरग दिदा पाणी-पाणी

रूड़यूं बगत शुरू हूंद ही पहाड़ मा पीण पाणी की बड़ी बुरी स्थिति ह्वे जांद। दुगड्डा प्रखण्ड क दुर्गम क्षेत्र क छै ग्राम पंचायत मा पिछल एक हप्ता बटी पाणी नी आण कारण से गौं लोग पाणी कुणी भटकणा छन। लोग दूर दूर जैकन पाणी सोत बटी मुण्ड मा पाणी सरणा कुणी मजबूर छन। शिकैत कना बाद भी विभाग की बौग संदी। 90 दशक मा क्षेत्र की पेयलज किल्लत तै दूर कना खातिर घोबीघाट- गुनी, बस्यूर -धरियालसार 42 किलोमीटर लंबी पेयजल योजना बणी छेयी। करीब एक करोड़ बजट लगण बाद भी गुनी बस्यूर धरियालसार, अल्दावा, सिद्धपुर, कूरीखाल, अ झवाणा गाॅव मा सैकड़ों की आबादी पाणी पीणा कुणी भी तरसणा च।

Loading...

गौं शंभू प्रसाद खर्कवाल, जितेन्द्र खर्कवाल, दिवाकर धूलिया, सुदर्शन अर होर लोगू बुलण च कि पिछल हप्ता बटी पेयजल योजना मा पाणी नी आणा। लोग करीब द्वी किलोमीटर दूर हाथी बाहुल्य बण क पाणी सोत मा जान खतरा मा डाळी कन पाणी मुण्ड मा लाणा छन। शिकैत कना बाद जल संस्थान तरफ बटी यीं समस्या क्वी समाधान नी ह्वायी।

उने जल संस्थान क सहायक अभियंता देवकी नंदन जोशी न बतै कि अल्दावा नजीक गाॅव क्षेत्र मा पेयजल योजना बाधित हूण क मामला उंक सज्ञान मा नी च। यीं योजना निरीक्षण खातिर कर्मचारियों तै मौका पर लखये जाल। बगत पर पेयजल आपूर्ति कर दीये जाली।

Loading...

Leave a Reply

Your email address will not be published. Required fields are marked *