हाईस्कूल तिलधार मा एक साल बिटी नि च गणित मास्टर

यमकेश्वर। यमकेश्वर प्रखण्ड क अंतर्गत राजकीय उच्च माध्यमिक विद्यालय तिलधारखाल मा पिछल एक साल बिटी सहायक अध्यापक गणित क पद खाली हूंण से विद्यालय मा पढ़ण ह्वाल छात्र-छात्राओं तै परेशनी उठाण पड़नी। एक जून 2018 मा विद्यालय मा नियुक्त सहायक अध्यापक गणित क तबादला ह्वे गे छ्यायी, वेक बाद बिटी विद्यालय मा गणित क मास्टर क पद खाली चलनू।
राजकीय हाईस्कूल तिलधारखाल मा नजदीकी गांव पंबा, पनियाली, टोला, कुलेथा, गहलीखेत, गणेशपुर, पोखरी, खरदूनी, तूनखाल, भड़ेत अर होर गांव क नौनयाल पढ़ण बाबत ऐ करदन। ग्राम पंचायत पंबा क प्रधान राजपाल सिंह राणा, ग्राम प्रधान पोखरी यशपाल सिंह, शिक्षक अभिभावक संघ अध्यक्ष बलदेव भारती, ममता देवी, संगीता देवी, शांता देवी, उत्तम सिंह, युद्धवीर सिंह, सतपाल सिंह, सुरेंद्र सिंह, पुष्कर सिंह क बुलण च कि विद्यालय मा गणित मास्टर नि हूंण से उक बच्चों की पढे चुकापट्ट हुई च। मजबूरन उते अपर बच्चों तै दूसर स्कूलू मा लखांण पड़ना छन। ये बाबत उन कती बार शिक्षा विभाग अर जनप्रतिनिधियों तै अवगत करायी, लेकिन विद्यालय मा गणित क मास्टर की तैनाती नि ह्वाई। गणित मास्टर नि हूंण से बोर्ड परीक्षाओं मा भी ये असर पड़ना च । अभिभावकू न विद्यालय मा जल्दी गणित क मास्टर की नियुक्ति कन की मांग करी।
ने उप शिक्षा अधिकारी यमकेश्वर शैलेंद्र अमोली न बतायी कि ये बाबत जिला शिक्षा अधिकारी तै अवगत करये ग्यायी। गणित क मास्टर की व्यवस्था हूंद ही वे तै विद्यालय मा तैनात कर दिये जाल।

Loading...

Leave a Reply

Your email address will not be published. Required fields are marked *