संघ लोक सेवा आयोग परीक्षा मा किमसार, यमकेश्वर मूल रैवासी वर्णित नेगी न करी देश भर मा 13वी रैंक हासिल

संघ लोक सेवा आयोग (यूपीएससी) की सिविल सेवा परीक्षा मा यमकेश्वर प्रखंड क किमसार रैवासी वर्णित नेगी ने देशभर में 13वीं रैंक हासिल करी। वखि, अल्मोड़ा की सौम्या गुरुरानी न परीक्षा मा ऑल इंडिया 30वीं रैंक हासिल करि। उत्तराखंड क होनहारू क प्रदर्शन सिलसिला अजो तकन समणी आणा छन।

बते दिवा कि वर्णित नेगी क चिचा एनएस नेगी वर्तमान मा ऊर्जा निगम हरिद्वार मा सहायक अभियंता मीटर क पद पर तैनात छन। उन बतायी की उक भतीजू वर्णित नेगी न पढ़ाई मा पैल बटी होशियार छ्यायी।

वर्णित क पिता देवेन्द्र सिंह नेगी इंटर कॉलेज परसदा विलासपुर, छत्तीसगढ़ मा प्रधानाचार्य क पद पर छन, जबकि मां सीमा नेगी राजकीय महाविद्यालय विलासपुर मा प्रवक्ता च। वर्णित क जठो भाई डा. अंकित नेगी बीएसएफ मा असिस्टेंट कमांडेंट च।

उन बतायी कि वर्णित न विलासपुर डीएवी बटी हाईस्कूल पास करी। कोटा बटी इंटर अर कोचिंग की पढे करी। वर्णित न एनआइटी सूरतकल मैसूर कर्नाटक बटी सिविल मा बीटेक करी। वर्णित न सिविल परीक्षा क पैल प्रयास मा 504वीं रैंक हासिल करी छेयी।

Loading...

उकी नियुक्ति रेलवे मा सहायक आयुक्त सुरक्षा क पद पर ह्वाई। मगर, वर्णित इथगा मा खुश नि ह्वेन । उन फिर तैयरी करि अर दूसरे प्रयास मा पूर देश मा आईएएस की परीक्षा मा 13वां स्थान हासिल करी।

वखि सिविल सेवा परीक्षा मा ऑल इंडिया 30वीं रैंक हासिल कन ह्वाली सौम्या गुरुरानी की सफलता की या पैली कहानी नि च । सौम्या न पिछली साल सिविल सेवा परीक्षा मा ऑल इंडिया 148वीं रैंक हासिल करि। येक बाद उत्तराखंड पीसीएस-2012 परीक्षा मा प्रदेश मा टॉप करी।

ने, हल्द्वानी क नमित पाठक न परीक्षा मा ऑल इंडिया 218वीं रैंक हासिल करी। देहरादून क अभिनव शाह न परीक्षा मा 222वीं रैंक जबकि नैनीताल की शैलजा पांडे न 266वीं रैंक हासिल करी। हरिद्वार क उत्कर्ष न भी सिविल सेवा परीक्षा मा ऑल इंडिया 304वीं रैंक हासिल करी। खबर लिखण तकन प्रदेश क कत्ती होर होनहारों न परीक्षा मा सफलता हासिल करी।

Loading...

Leave a Reply

Your email address will not be published. Required fields are marked *