उत्तराखण्ड मा “देशी अर अंग्रेजी शराब मैहंगी ह्वे ग्यायी, 85 रूप्या अब पव्वा ह्वे ग्यायी” यख द्याखो कथगा बढी कीमत

प्रदेश मा एक अप्रैल बटी देशी अर अगं्रेजी शराब महंगी ह्वे ग्यायी। शराब की बोतल पर 60 से 100 रूप्यों की बढोतरी ह्वे ग्यायी। उने आबकारी महकमा न पिछल साल मा 2650 करोड क राजस्व लक्ष्य तै पार कर द्यायी।
कैबिनेट मा नै आबकारी नीति तै मंजूरी मिलणा बाद ही प्रदेश मा शराब महंगी हूण कू इशरू मिली गे छ्यायी। एक अप्रैल बटी नै नीति लागू ह्वे ग्यायी, जै मा बढ्यां कीमत पर बिक्री शुरू ह्वे ग्यायी। खबरयों मुताबिक देशी अर अग्रेंजी शराब की बोतल पर 60 रूप्या बटी लेकन 100 रूप्या तकन बढये ग्यायी। देशी शराब पव्वा जख पैल 70 रूप्या मा मिलदू छ्यायी, अब वैकी कीमत बढीकन 85 रूप्या ह्वे ग्यायी। ये हिसाब से बोतल पर 60 रूप्या बढी गेन। अंग्रेजी शराब की बोतल मा भी 90 रूप्यों सो लेकन 100 रूप्यों की बढोत्तरी ह्वे ग्यायी। यनी बीयर की कीमत भी बढीन।
उने आबकारी महकमा राजस्व लक्ष्य पूर कन से खूब झुमणा च। महकमा तै 2650 करोड़ क राजस्व दिये गे छ्यायी, जू वित्तीय वर्ष खत्म हूंदी पार ह्वे ग्यायी। विभाग तै लक्ष्य से तकरीबन 100 करोड़ रूप्या ज्यादा मिलीन आबकारी आयुक्त दीपेन्द्र चौधरी बुलण च कि विभाग न राजस्व लक्ष्य तै पार करी याल।

Loading...

Leave a Reply

Your email address will not be published. Required fields are marked *