पौड़ी रैवासी रिपुंजय नैथानी न करी एनडीए मा टॉप, पैल बार मा ही मिली सफलता

संघ लोक सेवा उरयीं नेशनल डिफेंस एकेडमी (एनडीए) अर नेवल एकेडमी (एनए) 1 प्रवेश परीक्षा मा दून रैवासी रिपुंजय नैथानी न टॉप करी। रिपुजंय आरआईएमसी कैडेट छ अर उन पैल ही बार मा या सफलता हासिल करी। देश भर मा चयनित 447 युवाओं मा रिपुंजय सबसे ऐंछ छ। मूल रूप मा पौड़ी तम्लाग पौडी गढवाळ रैवासी उंक परिवार दून बसंत विहार मा रैवास करदू। पिता आर के नैथानी फौज मा कर्नल अर मॉ पूजा नैथानी हिल फाउडेशन स्कूल मा प्रधानाचार्य छ।
संघ लोक सेवा न ये साल ही अप्रैल मैना मा एनडीए/एनए लिखित परीक्षा उरे छेयी। जैक बाद सर्विस सलेक्शन बोर्ड न साक्षात्का उरयाई अर अब आखिरी परिणाम भी निकाळी याल। नै बैच द्वी जनवरी बिटी शुरू ह्वाल।
एग्जाम टॉपर रिपुंजय नैथानी सैन्य गुरूकुल बुले जाण ह्वाळ राष्ट्रीस इंडियन मिलट्री कॉलेज मा कैडेट कप्तान छ। आरआईएमसी मा कुल 14 कैडेटों न लिखित परीक्षा अर साक्षात्कार मा कड़ी प्रतिस्पर्द्धा बीच मेरिट सूची मा अपर जगह बणायी। ये मा चार कैडेट पैल पॉच मा शामिल छ। उने उत्तराखण्ड होनहार रिपुजंय नैथाणी देश मा पैल स्थान हासिल कन पर मुख्यमंत्री त्रिवेन्द्र सिंह रावत न उंते बधै देयी अर शुभकामना भी। उन रिपुंजय की  उज्जवल भविष्य कामना करी।

Leave a Reply

Your email address will not be published. Required fields are marked *