चाऊमीन मा छौंका लगांद बगत 100 साल पुरणी इमारत क रेस्टोरेंट मा लगी आग, यनी मा बची सब्यूँ जान

100 साल पुरण भवन क रेस्टोरेंट मा आग लगण से अफरा-तफरी मची ग्यायी। हल्द्वानी क पटेल चौक स्थित 100 साल पुरणी इमारत मा फास्ट फूड की दुकान मा शनिवार ब्यखन बगत चार दुकान आग मा स्वाहा ह्वे गीन।

बिल्डिंग क सबसे मुड़ीन रैवास कन ह्वाल पांच परिवार न धुंवा बीच भागिकन अपरी जान बचाई। फायर ब्रिगेड की टीम न डेढ़ घंटे की मशक्कत बाद आग पर काबू पायी। ये अग्निकांड मा दुकानू मा रख्यूँ लाखों क सामान फूके ग्यायी । पता चल कि अंग्रेजू क जमन की या बिल्डिंग नैनीताल निवासी ओमप्रकाश नैनवाल क च ।

पटेल चौक स्थित पुरणी बिल्डिंग मा विनोद बिष्ट की फास्ट फूड की दुकान, मोहन बोरा क होटल, करन कार्की की चाऊमीन की दुकान अर उमेश बोरा की परचून की दुकान छेयी। शनिवार ब्यखन बगत करीब पांच बजकर पांच मिनट पर मिलन रेस्टोरेंट मा कर्मचारी न चाऊमीन मा छौंका लगायी त आग की लपटा कड़ाही से मत्थी उठ गेन।

आग क लपटा अर धुआं तै देखि कन मौका पर लोगू की भीड़ लगी ग्यायी । दुकानू क प्रथम तल पर रैण ह्वाल टेंट हाउस क मालिक नवीन पांडे क कर्मचारी महेंद्र सिंह, मोहन बोरा अर उमेश क परिजनू न भागी कन अपर जान बचाई। घटना की सूचना मिलण क बाद एफएसओ जगदीश प्रसाद क नेतृत्व मा फायर बिग्रेड की तीन गाड़ियां घटनास्थल पर पहुंछिन।

फायर ब्रिगेड क जवानू न उबरी आग बुझाण शुरू करी। ये बीच, भीड़ बेकाबू ह्वे ग्यायी । कोतवाली पुलिस न भीड़ तै जन कन करि कन नियंत्रित करी। फायर ब्रिग्रेड न डेढ़ घंटे प्रयास क बाद आग पर काबू करि ल्याई । ये दौरान चरी दुकानदारू क लाखों रुपये की संपत्ति फुके कन बरबाद ह्वे ग्यायी।

Leave a Reply

Your email address will not be published. Required fields are marked *