लालकिला अर दून परेड ग्राउण्ड बटी देश, राज्य तै बदलणी की बात, वखी दूसर तरफ देहरादून मा भुला तै कुखल मा लेकन पुटगो पळणा खातिर झण्डा बिचणू यूं नौंन

आज हम लोग देश क 70 वां गणतन्त्र दिवस बड़ू धूममाम से मनाणा छवां। लाल किला अर देहरादून क परेड ग्राउण्ड मा देश तै बदलणी की बड़ी बड़ी बात बात हुणी छन। लेकिन दूसर तरफ गरीबी अर आर्थिक तंगी या च कि द्वी बगत पुटग पळण कुणी भी नौन दर दर भटकणा छन। यनी एक मामला देहरादून राजधानी क च जख एक अबोध नौन्याळ अपर कुखल मा बाळू बच्चा तै लेकन 26 जनवरी कुणी झण्डा बिचण जुगत कना ताकि द्वी बेळी कुणी खाण इंतजाम ह्वे जाव। ये नौन की मासूमियत अर पुटगी की भूख आग देखी कन लोग द्वी सेकेण्ड कुणी देखीकन हकदक्याणा रैन कि अपर कुखल मा छ्वटू बाळू नौन्याळ तै लेकन 02 रूप्या झंडा तै बिचणा कुणी धाद लगाणू रायी। वखी कुच्छ दूर पर लोग क्वी कपड़ा त क्वी खाण पीण समान खरीदणा रायी। गणतत्रं दिवस मौका पर यन तस्वीर समणी आयी त मन मा क्वींटास सी ह्वे ग्यायी। यीं तस्वीर देखीकन लगी कि आज भी देश मा गरीबी हालात कन छन। झण्डा बिचणा बाबत यी नौन धाद लगाणू रायी कि क्वी वैक झण्डा ले ल्याव अर द्वी बेळी रूट्टी जुगत ह्वे जाव।

Loading...

Leave a Reply

Your email address will not be published. Required fields are marked *