यमकेश्वर: देवराना गांव मूल रैवासी आस्था कण्डवाल न ल्याखी कामयाबी इबारत,  हाईस्कूल मा 99.4 प्रतिशत अंक लैकन उत्तराखण्ड मा पायी दूसर रैंक

आज जख उत्तराखण्ड लोक सेवा आयोग एक परीक्षा  ज्वा वैयक्तिक सहायक की छेयी, जैमा उत्तराखण्ड बौत से बेरोजगार युवा दगड़यों न फार्म भरी अर मेहनत करी, लेकिन जब रिजल्ट आयी त वैमा विशेष वर्ग की ज्वा सैलेक्शन सूची छेयी उक चयनित हूण मैरिट 13.2 अंक पर ग्यायी। लेकिन वखी दूसर तरफ जू बच्चा दिन रात करीकन हाई स्कूल अर ईण्टर परीक्षा दीण छन अर वैमा शत प्रतिशत नम्बर लेकन आणा छन, यी जमीन आसमान अंतर आण ह्वाळ बगत कुणी बड़ू चुनोती छ। एक हाईस्कूलं की विद्यार्थी जैंकी उमर अजों मात्र 17 साल की छ अर वा दिन रात पढै करी कन 99.4 प्रतिशत अंक हासिल करदी, लेकिन जब वींक समणी जब बड़ी परीक्षा मा 13 अंक लाण ह्वाळ चयन ह्वे जांद त एक बड़ू सवाल समाज समणी खड़ू हूंद, आखिर येकी दोषी क्वा छ।


लेकिन मेहनत कन ह्वाळ बच्चों की हुनर पैली दिखे जांद उंतै ना आरक्षण फेल कर सकदू अर ना भाग्य उंक इबारत तै मिटै सकदू।  यमकेश्वर देवराणा गौं रैवासी श्री राजकुमार कंडवाल अर श्रीमती शीला कंडवाल होनहार बिटीया आस्था कंडवाल न येक नई इबारत ल्याखी। हाईस्कूल सीबीएसई परीक्षा मा पूर उत्तराखण्ड मा दूसर स्थान लैकन राज्य अर क्षेत्र दगड़ी पूर यमकेश्वर नाम रोशन करी। डीएसबी इण्टरनेशल पब्लिक स्कूल ़ऋषिकेश की हाईस्कूल मा पढण ह्वाळी आस्था कंडवाल न रोज 7से 8 घंटा पढैं करी।  अंग्रेजी, गणित, विज्ञान और कंप्यूटर में 100 मनन 100 नम्बर अर हिंदी मा 98 सोशल साइंस मा 99 अंक हासिल करीन।

 

वींक पढै दौरान सबसे ज्यादा ध्यान वींक मॉ न रखी। वींक मॉ शीला कंडवाल बुलण छ कि यदि बच्चा अपर पूर मनोयोग से पढणू छ, मनोरंजन कना, त वैतै कन द्याव ताकि टीनएज मा क्वी तनाव नी ल्याव। येक मी विशेष ध्यान रखदू छ्यायी। बेटी मेहनत की परिणाम छ कि आज वींन उत्तराखण्ड मा दूसर स्थान लैकन बौत बड़ी कामयाबी हासिल करी। ऐथर भी वा इनी मेहनत करली किलै कि बुल्दन बल हुणत्यळी डाळी चंचल पात पैली दिखे जंदीन।  आस्था कंडवाल पूर परिवार तै रंत रैंबार सरा टीम तरफ बिटी बौत बौत बधे।

Loading...

One thought on “यमकेश्वर: देवराना गांव मूल रैवासी आस्था कण्डवाल न ल्याखी कामयाबी इबारत,  हाईस्कूल मा 99.4 प्रतिशत अंक लैकन उत्तराखण्ड मा पायी दूसर रैंक

  • 17/07/2020 at 7:33 am
    Permalink

    Aap ku portal se garhwali bhasa ku prachar prasar ma badu yogdan ch

    Reply

Leave a Reply

Your email address will not be published. Required fields are marked *