एम्स ऋषिकेश निदेशक पद्यश्री प्रोफेसर रविकांत साइकिल चलेक ऐंन ऑफिस

ग्रीन कैंपस मुहिम : एम्स निदेशक साइकिल चले कन पहुंचिन कार्यालय। अखिल भारतीय आयुर्विज्ञान संस्थान एम्स ऋषिकेश मा कोरोना काल मा शुरू हूँण हुई ग्रीन कैंपस मुहिम तहत संस्थान निदेशक पद्मश्री प्रोफेसर रवि कांत अपर साइकिल चलेकन अपर कार्यालय पहुंचिकन सामाजिक दूरी बणे रखण रैबार द्याय। एम्स प्रशासन न संस्थान परिसर मा आवागमन बाबत साइकिल इस्तेमाल तै बढ़ावा दीण बात करी, जैसे लोग एक दूसर बीच उचित सामाजिक दूरी बणी राव अर हम कोविड19 क संक्रमण से सुरक्षित रै सको। ये बाबत संस्थान तरफ बिटी फैकल्टी सदस्यों तै 15 व सिक्योरिटी गार्ड तै 5 साइकिल उपलब्ध करैन। एम्स निदेशक पद्मश्री प्रोफेसर रवि कांत शनिवार कुणी अपर आवास बिटी साइकिल चलेकन कार्यालय पहुंचिन। ये से उन ग्रीन कैंपस मुहिम तहत कोरोना काल मा सामाजिक दूरी बणयी रखण दगड़ी स्वास्थ्य बाबत सजग रण संदेश द्यायी।

निदेशक प्रो. रवि कांत जी न संस्थान क होर फैकल्टी मेंबर्स तै भी एम्स परिसर मा साइकिल उपयोग कन कुणी ब्वाल। ये कि ,वजह या छ कि स्कूटर अर कार जणी यूँ साइकिलों मा होर सवरी बैठाण व्यवस्था नी छ, जैसे एक-दूसर व्यक्ति मा आपस मा सामाजिक दूरी भी बणी रैली अर ये से स्वास्थ्य भी अच्छू राल। अपर रैबार मा निदेशक एम्स न बतायी कि भौत जरूरत हूंण पर ही अखिल भारतीय आयुर्विज्ञान संस्थान कैंपस मा वाहन प्रयोग करे जै सकदू। उन होर फैकल्टी सदस्यों, स्टाफ अर स्टूडेंट्स से भी ग्रीन कैंपस मुहिम तै सफल बणाण बाबत परिसर मा साइकिल उपयोग सुनिश्चित कन अपील करी। येक अलावा संस्थान तरफ बिटी फैकल्टी मेंबर्स कुणी 15 साइकिल अर परिसर मा चक्रमण कन ह्वाल सिक्योरिटी गार्ड्स तै भी कैंपस मा भ्रमण कना साइकिल उपलब्ध कराई , जैसे दूसर लोगू तै भी उचित सामाजिक दूरी बणयी रखण रैबार दिये जै सक्याव।

Loading...

Leave a Reply

Your email address will not be published. Required fields are marked *