उत्तराखण्ड मा मदीरा काण्डः यख त दूध दुकान मा भी बिकणी शराब, 13 लोगु मौत बाद समणी आयी या हकीकत, अधिकारी भी सुणी अर देखी कन हैरान

सहारनपुर अर भगवान पुर रूड़की लग्यूं गांव मा शराब पीण से मौत ह्वायी जैन पूर उत्तराखण्ड मा हड़कंप मचै द्यायी। तेहरवी मा शराब पीण से हूण ह्वाळ मौत से वख प्रशासन की लापरवाही तै बिलकुल नजरअंदाज नी करे जै सकदू। सही मायना मा यी बुलण गल्त नी ह्वाल कि पुलिस अर आबकारी विभाग की लापरवाही न ही शराब क शौकीन ग्रामीणू की मौत सामान जुड़यूं छ्यायी, लेकिन यी मामला अब केवल गौं तक नही नी थम्यूं बलकण अब हालात शहर क भी ठीक नी छन। हरिद्वार शहर मा त दूध की दुकान मा भी शराब बिकणी।
पूर हरद्वार जिला मा शराब तस्करू क नेटवर्क बौत तेज अर मजबूती से बढणा च। पिछल सल अगस्त मैना मा ही आबकारी विभाग न जिला मा चार अलग अलग जगहूं मा छापा मारी कन सिडकुल से सट्यां गॅाव दादूपुर, रूड़की, कनखळ अर लक्सर थाना क्षेत्र मा छापा मारीकन नकली शराब बणाण की फैक्ट्री पकड़ी छेयी। ये मामला मा प्रशासन अर पुलिस भी अमणी समणी ऐ गे छेयी। बड़ी बात या च कि पिछल कुछ दिन खुद जिलाधिकारी जब छापा मरण खातिर निकळी त हरकी पैड़ी क्षेत्र दुकानूं मा भी शराब बिकद पकड़े गे छेयी। यी सब्ब बातू से एक बात समणी आंद कि शहर बटी लेकन गॉव तकन जिला क्वी यन कूण नी च, जख आसानी से शराब या होर मादक द्रव्य सहजता से उपलब्ध नी हूंद ह्वेली। शुक्रवार कुणी शराब पीण से हूण ह्वाळी सामुहिक मौत न एक बार फिर पूर जिला की कड़वी सच्चे समणी आयी।
जिलाधिकारी दीपक रावत न बतै कि शराब क अनैतिक कारोबार कनमा चलणू, ये बाबत आबकारी विभाग अर पुलिस क अधिकारियूं से रिपोर्ट मंगी च। पैल जू दिखणा मा आयी वै मा आबकारी विभाग क अधिकारियूंअ र कर्मचारियूं की लापरवै समणी आण पर शासन तरफ बटी 13 कर्मचरी पैली निलबिंत करे गेन। विस्तृत जॉच मा जख भी लापरवाही समणी आली, उं पर भी गंभीर काररवै करे जाली, कै तै नी बगसे जाल।

Loading...

Leave a Reply

Your email address will not be published. Required fields are marked *