ऋषिकेश बदरीनाथ हाइवे पर ऑल वेदर रोड़ बणांद बगत उजड़ी पख्यड़ु, मलबा मा एक मजदूर मौत

बुप्यर दिन ऋषिकेश-बदरीनाथ हाईवे पर लंगासू समणी ऑल वेदर सडक बणांद बगत पख्यड़ उजड़न से एक मजदूर घैल हूण बाद अस्पताळ लिजांद बगत ही अधबट पर मौत ह्वे ग्यायी। पुलिस न लाश पंचनामा करी कन पोस्टमार्टम खातिर भेजी द्यायी।
एसएचओ गिरीश चन्द्र शर्मा न बतै कि बुप्यर दिन सुबेर करीब 10ः30 बजे लंगासू मा चंडिका देवी समणी ऑलवेदर रोड़ पर काम चलणू छ्यायी। ये दौरान पहाड़ बिटी भारी भरकम  पख्यड़ रड़ी कन ऐ ग्यायी, अर हाईवे पर काम कन ह्वाळ मजदूर लक्ष्मी प्रसाद मलेठा नौन शंकर दत्त मलेठा, लंगासू मलवा चपेट मा ऐ ग्यायी अर घैल ह्वे ग्यायी।
सूचना पर स्थानीय रैवासी अर पुलिस न घटनास्थल मा जैकन घैल लक्ष्मी प्रसाद मलेठा तै मलबा बिटी निकाळी नक 108 मदद से नंदप्रयाग अस्पताळ लि जये ग्यायी। बतयाणा छ कि नंदप्रयाग मा प्राथमिक उपचार बाद लक्ष्मी प्रसाद मलेठा तै हायर सेंटर रेफर कर दिये ग्यायी।  वैक बाद घैल इलाज कुणी कर्णप्रयाग अस्पताल लि जये ग्यायी। सीएचसी कर्णप्रयाग क डॉ बी पी पुरोहित न बतै कि मलबा चपेट मा अयूं घैल व्यक्ति न अस्पताळ पौंछाण से पैल ही दम तोड़ द्यायी।

Leave a Reply

Your email address will not be published. Required fields are marked *