बहरीन मा फंस्या उत्तराखण्ड रैवासी परिवार तै सकुशल भारत लाणा प्रयास जारी

बहरीन मा रैवास कन ह्वाळ न्यू इंदिरा कॉलोनी रैवासी दंपत्ति ममता जोशी, मनीष जोशी अर उंकी नौनी भव्या जोशी तै राजी खुशी भारत लाण क प्रयास करयाणा छन। केन्द्रीय कपड़ा राज्य मंत्री अजय टम्टा क प्रयासू बाद विदेश मंत्रालय न बहरीन दूतावास मा सम्पर्क करी।
बतै दिवां कि तीन दिन पैल न्यू इंदिरा कॉलोनी रैवासी जगदीश तिवारी न केन्द्रीय कपड़ा राज्य मंत्री अजय टम्टा तै चिठ्ठी लेखीकन बहरीन मा रैवास कन ह्वाळी उंकी कणसी बैणी अर वींक जवैं अर भणजी की जान तै खतरा बतै कन उंते राजी खुशी भारत लाणा कुणी आग्रह करी। उन मंत्री तै बतै कि उंक परिवार क तीन बटी बैणी दगड़ी क्वी सम्पर्क नी ह्वे पाणा।
जगदीश तिवारी न बतै कि तीन साल पैली उ नौनी भव्या जोशी तै लेकन स्कूल मा नौकरी कना खातिर बहरीन चली गे छ्यायी। जख कुच्छ बगत बाद विद्यालय प्रबन्धन उंते परेशान अर उंक उत्पीड़न कन लगी ग्यायी। पीड़िता क भुला न मंत्री तै बतै कि उंकी बैणी न अपरी जान खतरा बतै कन उंते बचाण की गुहार लगायी। केन्द्रीय कपड़ा मंत्री अजय टम्टा न बतै कि बहरीन मा भारतीय दूतावास बटी विदेश मंत्रालय बटी सम्पर्क करी। पीड़ित परिवार तै भारत लाणा कू प्रयास करयाणा च।

Loading...

Leave a Reply

Your email address will not be published. Required fields are marked *