आवा अपर गॉव अफी मिली संवरला, अमोली भ्रातृत्व मण्डल गौं चौतरफा विकास खातिर सुंदर पहल

आज भले लोग पहाड़ बिटी पलायन करी कन ऋषिकेश हरिद्वार, कोटद्वार, देहरादून बसी गेन, लेकिन उंक मन मा कखी ना कखी गौं आज भी बस्यूं छ, येख उदाहरण छ यमकेश्वर प्रखण्ड डांडामण्डल क्षेत्र एक किनर बस्यूं गौं अमोला। अमोला गॉव मा अमेली जाति बहुलता छ जै कारण वख नौ अमोला पड़ी। अमोला रैवासी भी होर लोगू जणी सुविधा अभाव मा पलायन करी गेन लेकिन अब जब गॉव मा सड़क सुविधा ह्वे ग्यायी त उंते अपर गॉव मैना द्वी मैना मा जरूर चली जंदन। गॉव मा आज स्थिति देखीकन वख खैरी समझीकन अमोली प्रवासी लोगू देहरादून मा अमोली भ्रातृत्व मण्डल गठन करी।
अमोली भातृत्व मण्डल कारगी चौक मा जेसी प्लाजा मा उरये ग्यायी। एन एल अमोली कार्यक्रम संचालन करी। अमोली भ्रातृत्व मण्डल गठन सर्वसम्मति से करे ग्यायी, जै मा आजीवन अध्यक्ष भगवती प्रसाद अमोली, महासचिव, वर्तमान निर्वाचित प्रधान ग्राम सभा अमोला, अनुराग अमोली, कार्यकारी अध्यक्ष, एन एल अमोली, सचिव मोहन लाल अमोली कोषाध्यक्ष सोहनलाल अमोली, उपाध्यक्ष राजेश अमोली अर मीडिया प्रभारी रतन अमोली तै मनोनित करे ग्यायी। संरक्षक मण्डल मा डॉ एन पी अमोली, जयकिशन अमोली, अनुसूया प्रसाद अमोली, हरिराम अमोली, अर श्रीचंद अमोली तै मनोनित करे ग्यायी।
अमोली भ्रातृत्व मण्डल गौं चौतरफा विकास कन, ये दगड़ी स्वच्छ गौं, स्वस्थ गौं, संस्कारित गौं, स्वालम्बी गौं अर समरस गौं बणाण दगड़ी सांस्कृतिक सामाजिक एकता पर एकजुट ह्वेकन काम कन खातिर एक जुट ह्वेन। अमोली भ्रातृत्व मण्डल गौं मा सरकरी योजनौं तै पौछाण प्रयास करल। यी बैठक मा विनय अमोली, जयदेव अमोली, अमित अमोली, मनोज अमोली, कैलाश अमोली, सुभाष अमोली, किशोर अमोली,सुधीर अमोली, दीपक अमोली, भवानी शंकर अमोली अर होर सदस्य मौजूद छ्यायी।

Leave a Reply

Your email address will not be published. Required fields are marked *