यमकेश्वर नंदनवन कैम्प मा लिखवार नीरज मुसाफिर क ‘अनदेखे पहाड़’ नौ की पोथी विमोचन

देश जणया मणया प्रसिद्ध घुमक्कड़ अर चार यात्रा-पोथी लिखवार नीरज मुसाफिर पंचों प पुस्तक ‘अनदेखे पहाड़’ विमोचन आज ऋषिकेश नजीक मोहनचट्टी मा नंदनवन कैंप मा ह्वाई । यी पोथी मा लिखवार न उत्तराखंड कर्या अलग-अलग ट्रैकों पर लिखयूं छ। यूँ ट्रैकों मा केदारनाथ, पिंडारी ग्लेशियर, गौमुख-तपोवन, रूपकुंड, हर की दून, डोडीताल, रुद्रनाथ, नागटिब्बा, पंचचूली बेसकैंप, फूलों की घाटी व हेमकुंड साहिब, पँवालीकांठा बुग्याल अर चौमासी केदारनाथ ट्रैक शामिल छ।
यी पोथि मा लिखवार न उत्तराखंड मा साहसिक यात्राओं स्थिति पर चिंता भी व्यक्त करि, अर बढ़द भीड़ से परेशान भी दिखेन । लिखवार मसवरा छ कि ऐछ पर्वतीय बुग्यालों मा पर्यटन पर पूर प्रतिबंध लगाण बजाय सीमित पर्यटन लागू कन चियाद। येक दगड़ी प्लास्टिक पर प्रतिबंध लगान दगड़ी स अपशिष्ट पदार्थों क निष्पादन पर भी ध्यान दीण सुझाव द्याय। ये मा पर्यटकों दगड़ी प्रशासन भी जिम्मेदारी बणदी।
लिखवार की या उत्तराखंड पर आधारित पैल किताब छ, ये खातिर उन येक बविमोचन खातिर उत्तराखंड ही पसंद करी। पोथि संभावना प्रकाशन, हापुड़ प्रकाशित बिटी ह्वाई अर अमेजन पर ऑनलाइन भी उपलब्ध छ। पुस्तक आई.एस.बी.एन. नंबर 978-93-81619-99-5 छ अर अधिकतम मूल्य 300 रुपये छ। उत्तराखंड मा ट्रैकिंग खातिर आण ह्वाल यात्रियों खातिर या किताब अत्यधिक काम छ अर नीरज अनुभव भी सब्यूँ काम आल। नीरज दगड़ी उकी घरवळी दीप्ति भी ट्रैकिंग करदी। दिखे जाव त या पोथि जनानियू तै साहसिक पर्यटन खातिर प्रेरणा मिलली।
पोथी विमोचन उत्तर प्रदेश मुख्यमंत्री योगी आदित्यनाथ भुला महेंद्र बिष्ट न करी। कार्यक्रम मा नंदनवन कैंप मालिक सुदेश भट्ट, जगदीश भट्ट, सदानंद भट्ट, जगतराम भट्ट, महिमानंद भटकोटी, राजेंद्र बडोला, भूपेंद्र शुक्लेश आर विश्वप्रसिद्ध हड्डीरोग विशेषज्ञ डॉ. सुभाष शल्य समेत देश उण कूण बिटी अया घुमक्कडों अर ट्रैकरों न बढ चढकनि हिस्सा ल्यायी।

Loading...

Leave a Reply

Your email address will not be published. Required fields are marked *