आफत बरखा बरखी, गरीब नि:सहाय धन्ना देवी खुणि, कूड़ पैथर दीवाल उजडी कन बणी ग्यायी खंदवार, धन्ना देवी तै यीं बगत भल मनखियूं मदद जरूरत

गढवाळ मा हूण ह्वाळ बरखा से लोग परेशान छन, पुरण कूड़ बिण्डी बरखा हूण से उजड़ना छन्न। जगह जगह बाट घाट उजड़ी गेन, लोगू घरबार से बेघर ह्वे गेन। यनी परसी बरखा न एक विधवा तै घर से बेघर करी द्यायी। गौ लिंगुड़िया, तिमीलीखेत पोस्ट, बसौला, जिला पौड़ी गढवाळ, विधानसभा क्षेत्र श्रीनगर कू आाखिरी गौ छ। यख अपर नौन कमल सिंह दगड़ी रैवास करदी। 09 जुलाई 2019 कुणी रतखुळ बगत हूण ह्वाळ बरखा तीड़ू मा वींक पुरखू बणयू कूड़ी पैथर दीवार उजड़ी ग्यायी, दीवार उजड़न से पैली द्वी मॉ बेटा घर बिटी भैर निकळी गेन, जैसै क्वी जान माल नुकसान त नी ह्वायी, पर सामान सब्ब बरबाद ह्वे ग्यायी।
खबरयौं खबर मुताबिक यी परिवार बौत गरीब छ। पैथर दीवाल त उजड़ी ग्यायी बकै दीवाल भी उजड़यना हुयीं छन। गरीब परिवार हूण कारण यी अपर गुजर बसर बड़ी मुश्किल मा कन्ना छन्न। घर आर्थिक हालात दयनीय हूण कारण यी अपर पुरखू बण्यू कूड़ी पर दिन कटणा छ्यायी लेकिन उ भी बरखा मा उजड़न से यू परिवार बेघर ह्वे ग्यायी। अब यूं द्वी मॉ बेटा खुणि रैवास कना खातिर जगह तक नी छ। खबरयों बतै कि धन्ना देवी बड़ू नौन शहरू मा 5-6 हजार नौकरी करी कन अपर पुटगू पळणू छ। धन्ना देवी दगडी जब बात ह्वे त उन रूंद रूंद ब्वाल कि अब्ब त ये बसगाळ दिन कटण मुश्किल ह्वे जाल। उंन बतै कि जनधन योजना मा जू खाता खुले ग्यायी वै मा भी इथगा रूप्या नी छन कि मी ये दीवाल तै बणवे द्योंय, प्रशासन तरफ बिटी अजों तकन क्वी मदद नी मिली। उन भल मनखियूं से हत्थ जोड़ी ब्वाल कि अगर ह्वे सकदू त क्वी मेरी मदद कर सकदू। रंतरैबार बिटी उंक बैक पासबुक फोटो कॉपी मंगे ग्यायी। अगर क्वी भी यूंकी मदद कन चांद त यू खाता जू धन्ना देवी नाम पर छ वैमा आर्थिक रूप मा सहयोग कर सकदन। घन्ना देवी मोबाईल नम्बर 9690078840 छ।


खाता विवरण या छ।
उत्तराखण्ड ग्रामीण बैंक, उफरैंखाळ।
खाताधारक नौ- धन्ना देवी।
खाता संख्या 7601508052
आईएफसी कोड- SBINORRUTGB

मोबाईल नम्बर 9690078840

Leave a Reply

Your email address will not be published. Required fields are marked *