काळ मंगळवार: इने बस दुर्घटना उने यख बाइक तै बचाण चक्कर मा सड़क मुड़ींन लमड़ी बुलेरो गाड़ी, एक जनानि मौत, 10 घैल

काळ मंगळवार: इने बस दुर्घटना ने यख बाइक तै बचाण चक्कर मा सड़क मुड़ींन लमड़ी बुलेरो गाड़ी, एक जनानि मौत, 10 घैल

उत्तराखंड क गोपेश्वर मा घिंघराण सड़क पर उल्ट तरफ बिटी आण ह्वाली बाइक तै बचाण चक्कर मा अनियंत्रित हुयी बोलेरो करीब दस मीटर तळ बाईपास रोड पर लमड़ी ग्यायी। हादसा मा एक जनानि मौत ह्वे ग्यायी, जबकि द्वी बच्चों समेत 10 लोग घैल ह्वे गेन। तीन घायलों तै हायर सेंटर रेफर करे ग्यायी । गाड़ी मा ड्रेवर समेत कुल 11 सवरी छ्यायी।

मंगळवार दुफरा मा करीब एक बजे गोपेश्वर बिटी घिंघराण तरफ जाण ह्वाली बोलेरो नै बस अड्डा क समणी चट्टानी भाग मा पहुंची छे कि तबरी उल्ट दिशा बिटी आण ह्वाल बाइक तै बचाण चक्कर मा गाड़ी अनियंत्रित ह्वे कन करीब दस मीटर तळ बाईपास सड़क पर जैकन पड़ी ग्यायी।

हादसा खबर मिल्दी ही थाना गोपेश्वर टीम अर स्थानीय लोग मौका पर पहुंची अर गाड़ी मा सवार सब्बि घैल तै भैर निकालीकन अस्पताळ पहुंचायी। हादसा मा पूर्णी देवी (45) घरवलि पुष्कर, ग्राम-देवर खडोरा, चमोली जिला चिकित्सालय माइलाज दौरान मौत ह्वे ग्यायी, जबकि मल्कू लाल (60) नौंन स्व. कुट्टू लाल, नेणी, मैकोट, (चमोली), कनक (7 माह) पुत्री जितेंद्र, ग्राम-कौंज पोथनी (चमोली), राखी (20) घरवलि जितेंद्र, ग्राम-कौंज पोथनी, (चमोली), अनीता देवी (32) घरवलि स्व. मोहन लाल, ग्राम-नैल-कुड़ाव, चमोली, नंदी देवी (35) घरवलि मोहन लाल, ग्राम-निजमूला (चमोली), सरोजनी देवी (40) घरवलि प्रमोद कुमार, ग्राम-बैनोली, नौटी (चमोली), दिव्यांशु (डेढ़ साल) नौंन प्रमोद कुमार, ग्राम-बैनोली, नौटी (चमोली), संतोष रौथाण (20) नौन आलम सिंह, ग्राम-पोखरी (चमोली), भरत तिवारी (35) नौंन स्व. रामप्रसाद, ग्राम रौली-ग्वाड़ (चमोली) अर ड्रेवर आशीष कठैत (23) नौंन गब्बर सिंह, ग्राम-कौंज (चमोली) घायल ह्वे गीन।

घैलो मा नंदी देवी, कनक अर मल्कू लाल गंभीर स्थिति तै देखीकन प्राथमिक उपचार कन बाद हायर सेंटर रेफर कर दिये ग्यायी। बाइक सवार सौरभ भट्ट (18) नौंन मुकेश, ग्राम-देवर, चमोली अर सचिन (15) नौंन राजेश कुमार, ग्राम लांखी, चमोली तै भी चोट लगी च, जौ तै जिला चिकित्सालय मा भर्ती करये ग्यायी।

जिलाधिकारी स्वाति एस भदौरिया, पूर्व कैबिनेट मंत्री राजेंद्र भंडारी अर जिला पंचायत उपाध्यक्ष लखपत बुटोला न जिला चिकित्सालय मा घैलो कू हालचाल जाणी। जिलाधिकारी स्वाति एस भदौरिया न बतायी कि बाइक तै बचाण कारण या दुर्घटना ह्वाई। दुर्घटना क मजिस्ट्रेटी जांच करे जाली।

Leave a Reply

Your email address will not be published. Required fields are marked *