देहरादून क गीता कॉम्लेक्स मा बडू धमाका हूंण से अफरा तफरी, कत्ती दुकान मा भारी नुकसान ह्वे ग्यायी

देहरादून क गीता कॉम्प्लेक्स मा आज सुबेर बडू धमाका ह्वे ग्यायी। ये धमाका मा कॉम्प्लेक्स की कत्ती दुकानू मा भारी नुकसान भी ह्वे ग्यायी। जाणकारी हिसाब से करीब 10 बजे इंदिरा नगर स्थित गीता कॉम्प्लेक्स मा धमाका हूंण से हड़कंप मची ग्यायी अर अफरा तफरी माहौल ह्वे ग्यायी। धमाका हूंण कारण एसी कंप्रेशर क फुटण बतायाणा च। ये धमाका मा 5 से 6 दुकानू मा भारी नुकसान ह्वे ग्यायी, वखि दुकानू क शटर तै भी नुकसान ह्वे ग्यायी। जै बगत यी धमाका ह्वाई लोग दशहत मा ऐ गेन, मौका पर भीड़ कठि ह्वे ग्यायी। फायर टीम मौक़ा पर आयी तब जै कन स्थिति पर काबू करे ग्यायी। पुलिस मामला की जांच पड़ताल कन मा जुटी ग्यायी।

Loading...

Leave a Reply

Your email address will not be published. Required fields are marked *