गंगा में डूबण ह्वाल द्वी दगड्यो तै देखिकन सुमित न दिखाई बहादुरी, तेज बहाव मनन भैर निकालिकन बचाई द्वियूं जान

ऋषिकेश मा गंगा मा नयाण बगत डूबण ह्वाल रोहतक हरियाणा क द्वी नौंन कुणी ऋषिकेश रैवासी सुमित फरिश्ता साबित ह्वाई। सुमित न अपरी जान की परवाह कर्या बगैर गंगा तेज बहाव मनन द्वी युवकू तै बचे द्याय।

रोहतक, हरियाणा बिटी द्वी युवक रोहन अर अरुण गुमानीवाला निवासी अपरी मौसी घर गर्मियों की छुट्टी मनाण अया छ्यायी। बुधवार कुणी द्वी युवक अपरी मौसी दगड़ी त्रिवेणी घाट नयाणा कुणी जया छ्यायी।

गंगा मा नयाँद बगत अचाणचक रोहन खुट्ट फिसल ग्यायी। वे ते बचाण चक्कर मा अरुण भी गंगा मा फ़ाळ मार द्याय, लेकिन द्वी गंगा तेज बहाव मनन निकल नि सकींन। युवकू तै डूबद देखी कन गंगा किंनर खड़ लोग हल्ला कन लगी गेन।

हल्ला सुणी कन सुणी कन थुडा दूर नयाण ह्वाल ऋषिकेश शांतिनगर रैवासी नजर डूबद द्वी नौंन पर पड़ी। सुमित न अपरी
जान की परवाह कर्या बगैर गंगा क तेज बहाव छलांग लगे दयायि। काफी प्रयास बाद सुमित की मेहनत रंग लाई अर द्वीयूँ तै किनर लगांण मा सफल रायी। युवकू की जान बचाण पर गंगा किंनर पर खड़। लोगू न सुमित क तालियों से स्वागत करी। वखि रोहन अर अरुण न सुमित क दिल से आभार प्रकट करी।

Leave a Reply

Your email address will not be published. Required fields are marked *