कौवा न डाळ बिटी गिराई एक चीज, उठाद ही सार तेज धमाका मा एक जनानि उखमी मौत एक की हालत भौत गंभीर

उत्तराखंड क हरिद्वार मा श्यामपुर क्षेत्र गांव ढालूपुरी मा हुयूँ धमाका मा एक जनानि की मौत ह्वे ग्यायी जबकि वीकी सास घायल ह्वे ग्यायी। परिजनू बुलण कि डाळ मा बैठयूँ पमबैठे कौआ न क्वी इन चीज गिराई जै पर महिला न हत्थ मा उठायी त उ फटी ग्यायी। पुलिस की प्रारंभिक पड़ताल मा मौके पर क्वी विस्फोटक सामग्री नि मिली। फोरेंसिक टीम तै साक्ष्य कठ्ठी कन खातिर बुलये ग्यायी। एसएसपी जन्मेजय प्रभाकर खंडूरी न भी घटनास्थल पर पहुंची कन जानकारी ल्याई।

घटना शाम करीब चार से साढ़े चार बजे बीच बतयाणा च। पुलिस की मणे जाव त गांव मा रैवास कन ह्वाली यशोदा (35) पत्नी जीतराम, उकी सास छोटे देवी (65) पत्नी सुरजा सिंह झुपड़ी क भैर डाळ छैल मूड़ क बैठया छ्यायी अरर कुछ दूर पर यशोदा क बच्चा खिलणा छ्यायी । ये दौरान डाळ मा बैठयूँ एक कौवा क गिच्च मा फंसी कुछ चीज तळ गिरी ग्यायी। वेक तळ पड़दि ही सार यशोदा न उते जनि उठायी त उ तेज धमाके दगड़ी फटी। तेज धमाका हूंण पर गांव ह्वाल भी तुरंत वी तरफ दौडिन।

इने बच्चा भी झुपड़ी मा घुस गेन। ग्रामीण जब तकन बुरी तरह घायल यशोदा तै इलाज खातिर भिजद तब तक उकी मौत ह्वे चुकी गे छेयी। घायल सास तै जिला अस्पताल भिजे ग्यायी। सूचना मिलने पर एसएसपी जन्मेजय प्रभाकर खंडूड़ी, एसपी सिटी कमलेश उपाध्याय, सीओ सिटी अभय सिंह, कार्यवाहक एसओ मनीष नेगी मौके पर पहुंचीन। कार्यवाहक एसओ की मने जाव त घटनास्थल पर जमीन कुछ हिस्सा धसियू च , संभवत वे हिस्से पर विस्फोटक फटी ह्वाल ।

Loading...

Leave a Reply

Your email address will not be published. Required fields are marked *