खबरीलाल खुशखबरीः सरकरी नौकरी बाट जुगळण ह्वाळ नै पढवळी अब कसी ल्याव कमर, चुनौ बाद ह्वेली उत्तराखण्ड मा छप्पर फाड़ी कन भर्ती

सरकरी नौकरी बाट दिखणा ह्वाळ अब तैयार ह्वे जाव। लोकसभा चुनौ नतीजा आणा बाद प्रदेश की युवा पढवळी कुणी सरकरी नौकरी हासिल कना कू बड़ू सुंदर मौका च। मुख्यमंत्री त्रिवेन्द्र सिंह रावत न 27 मई तकन सब्बी विभागू बिटी सृजित पदूं सापेक्ष खाली पड़या हुयां पदू डाटा तैयार कना की समय सीमा तय करयाल।
मुख्यमंत्री कार्यालय तरफ बिटी कार्मिक विभाग कुणी भिजी चिठ्ठी मा साफ निर्देश छन कि रिक्त पदूं पर व्यापक भर्ती अभियान चलये जाल। येक अलावा विभाग की कर्मचारियू की रूकी पदोन्नति प्रक्रिया तै भी जल्दी पूर कना कू निर्देश भी दिये गेन। प्रदेश मा पिछल द्वी साल बिटी सरकरी नौकरी कुणी कम ही भर्ती ह्वेन, लेकिन अब सरकार भर्तियूं कुणी अभियान चलाण की तैयरी मा च। लोकसभा चुनौ कि आदर्श आचार संहिता खत्म हूण दगड़ी ही विभागू क रिक्त पद भरण की तैयरी शुरू करे जाली।

पदोन्नति बाद सृजित ह्वाल रिक्त पद
आचार संहिता क दौरान भर्तियूं कू विज्ञापन जारी नी ह्वे सकदू, येक चलदू मुख्यमंत्री ये दौरान सब्बी विभागू, उपक्रम अर कार्यालय बिटी रिक्त पदूं ब्यौरा मंग्यूं। 27 मई तकन हर विभाग पदवार सूची कार्मिक विभाग तै उपलब्ध करवे द्याल। येक बाद दिन वार तै करी कन मुख्यमंत्री चरणब़़द्ध भर्ती अभियान चलाण से संबंधित दिशा निर्देश दे सकदन। हजारों की संख्या मा प्रदेश मा सरकरी पद खाली छन। मुख्यमंत्री कार्यालय बिटी कार्मिक विभाग कुणी जारी दिशा निर्देश अनुसार तळ स्तर पर कर्मचारियूं की रूकीं पदोन्नतियां जल्द से जल्द पूरी की जाय। कर्मचारियूं क प्रमोशन से रिक्त पदू की संख्या बढ जायेगी, जै तै भर्ती अभियान मा शामिल करे जाल।

Leave a Reply

Your email address will not be published. Required fields are marked *