बड़ी खबरः बीरोंखाल बिटि कोटद्वार जाण ह्वाळी गाड़ी भ्याळ मा जोग, चार लोगू मौत 20 लोग घैल

बीरोखाळ बिटि कोटद्वार जाण ह्वाळी बस यूके 12 पीबी/0063 तहसील सतपुली मा संगलाकोटी सड़क पर गौं सैलाकबरा समणी लमड़ी ग्यायी। ये हादसा मा चार यात्रियूं मौत ह्वे ग्यायी। तकरीबन 20 घैल हूण खबर छ। डीसीआर बटी मिलण ह्वाळी जाणकारी हिसाब से दिन मा या घटना ह्वायी। घटनास्थल पर मौजूद राजस्व उपनिरीक्षक न बतै कि 15-20 घैल तै गौं रैवासियूं मदद से निकळे ग्यायी। अब्बी तकन मिलण ह्वाळ खबर अुनसार 4 लोगू मौत ह्वे ग्यायी। खुजण अर बचाण काम जोरू पर चलणू। स्वास्थ्य केन्द्र पाटिसैण, अर पोखड़ा बिटी द्वी मेडिकल टीम एम्बुलेंस समेत पैट गेन। येक अलावा एसडीआरएफ एक सिपै एक एसआई चार कांस्टेबल टीम घटनास्थल खुणि चली गेन। लैंसडौन थाना, गुमखाल, चौकी अर सतपुली थाना बिटी पुलिस टीम घटना स्थल कुणी पैट ग्यायी। जिलाधिकारी धीरज सिंह गर्ब्याल अर वरिष्ठ पुलिस अधीक्षक दिलीप सिंह कुवंर घटना स्थल कुणी पैट गेन। इनै प्रशासनिक खबरयों मुताबिक कत्ती घैल लोगू हालात बौत गंभीर छ अर मृतकों संख्या बढ सकद छ।

Leave a Reply

Your email address will not be published. Required fields are marked *