यमकेश्वर : कार भ्याळ मा पड़न से 06 लोग घैल, एम्स ऋषिकेश भर्ती, दुवारबाट कुणी जाणा छ्यायी बर ब्यौंली, अधबट मा घटी ग्यायी घटना

आज सुबेर यमकेश्वर प्रखण्ड मा मागथा गॉव बटी बर ब्यौंली दुवारबाट कुणी जाणा छ्यायी, पैंया खाळ मा तबरी गाड़ी अनियंत्रित ह्वेकन भ्याळ मा पड़ी ग्यायी। बतयाणा च कि यी घटना मा 06 लोग घैल ह्वे गेन सब्बी घैलू तै ऋषिकेश अस्पताळ मा भर्ती करे ग्यायी। जाणकारी मिलणी कि यमकेश्वर प्रखण्ड ग्राम सभा मागथा रैवासी चमनलाल कुकरेती, नौन ब्यौ ़ऋषिकेश श्यामपुर बटी 21 तारीख कुणी ह्वायी। बर ब्यौंली आज सुबेर दुवरबाट कना खातिर श्यामपुर जाणा छ्यायी। पैंयाखाळ मा कुळैं डाळी समणी अचाणचक गाडी भ्याळ मा पड़ी ग्यायी, भ्याळ गाडी पड़न कारण अजों तकन पता नी चली। क्षेत्रीय लोगू न जब हल्ला रोळी सुणी तब लोगून मिलीकन घैल तै भैर निकाळी अर निजी गाड़ी मा एम्स ऋषिकेश मा भर्ती करी, जान माल कू क्वी नुकसान नी ह्वायी।

Loading...


जाणकार सूत्रों बटी खबर मिलणी कि 21 तारीख कुणी गा्रम मागथा रैवासी चमनलाल कुकरेती नौन कमलेश कांत ब्यौ ऋषिकेश श्यामपुर रैवासी सोनिया दगड़ी ह्वायी। दुवर वाट दिन सब्ब हंसी खुशी ब्यौली घऽर मा जाणा छ्यायी, तबरी पैंयाखाळ से अगन्या दिउळी तरफ जांद बगत गाड़ी अनियंत्रित ह्वे कन भ्याळ मा पड़ ग्यायी, गाड़ी मा बैठ्या बर ब्यौली अर रिश्तेदारू मा हो हल्ला मची त क्षेत्रीय लोगू रेस्क्यू करी कन लोग तै भैर निकाळी अर अस्पताळ मा भर्ती करी। सब्यूं हालात खतरा से भैर बतयाणा च। दुर्घटनाग्रस्त गाड़ी संख्या यूके07एएच 4931 छेयी, जू दीपक नाम पर रजिस्ट्रड च।

Loading...

One thought on “यमकेश्वर : कार भ्याळ मा पड़न से 06 लोग घैल, एम्स ऋषिकेश भर्ती, दुवारबाट कुणी जाणा छ्यायी बर ब्यौंली, अधबट मा घटी ग्यायी घटना

  • 23/02/2019 at 3:15 pm
    Permalink

    दुखद समाचार ::।

    Reply

Leave a Reply

Your email address will not be published. Required fields are marked *