उत्तराखण्डः ब्यौ मनन घर आण बगत पूर परिवार गाड़ी भ्याळ मा जोग, 10 मैना बेटी समेत चार लोगू उखमी मौत

उत्तराखण्ड मा कीर्तिनगर- सिल्काखाल मोटर मार्ग पर उलाणा समणी एक कार अनियंन्त्रित ह्वेकन भ्याळ मा पड़ी ग्यायी। हादसा मा चार लोगू मौत ह्वे ग्यायी। कार चालक घरवळी अर स्याळी की 10 मैना बच्ची न मौका पर ही दम तोड़ी द्यायी। जबकि कार चालक अर स्याळी अस्पताळ मा लिजाण बगत मौत ह्वे ग्यायी।
घटना मा एकमात्र ड्रेवर नौन बची जै इलाज बेस अस्पताळ चलणू। जै परिवार मा या अनहोनी ह्वायी उ ब्याव मनन शामिल ह्वेकन अपर गौं बंदासा लौटणा छ्यायी। सिल्काखाल मोटर मार्ग पर मंगलवार ब्यखन बगत लगभग सवा आठ बजे उलाणा समणी एक कार अनियत्रिंत ह्वे कन लगभग 200 मीटर तळ भ्याळ मा लुड़की ग्यायी। क्षेत्रीय लोगू तै सूचना मिलण पर क्षेत्रीय विधायक विनोद कंडारी न एसडीआरएफ अर कोतवाली कीर्तिनगर पुलिस तै मौका पर जाणा खातिर ब्वाल। कोतवाल कीर्तिनगर जवाहर लाल न बतै कि दुर्घटनाग्रस्त कार मा चालक सुनील शाह नौन सुरजन सिंह रैवासी, बंदासा गॉं कीर्तिनगर परिवार अर रिश्तेदार सवार छ्यायी।
सुनील घरवली कोमल (28) अर स्याळी पूनम बेटी अंशिका (10 मैना) न मौका पर ही दम तोड़ द्यायी। घटनास्थल मा घैल सुनील अर बेटा साहिल (8 साल) अर स्याळी पूनम घरवळी संजय तै गौं लोगू मदद से अस्पताळ भिजे ग्यायी। वखी श्रीकोट चौकी एसआई बुटोला न बतै कि सुनील अर पूनम न अस्पताळ पौछण से पैल ही दम तोड़ द्यायी। वखी अजों साहिल इलाज चलणू।

Leave a Reply

Your email address will not be published. Required fields are marked *