उत्तराखण्डः कार भ्याळ मा पड़न से दर्दनाक हादसा, मास्टर समेत द्वी लोगू मौत

उत्तराखण्ड क पिथौरागढ मा गणाई-बनकोट- सड़क पर कार गैरू भ्याळू मा पड़न से एक मास्टर समेत द्वी लोगू मौत ह्वे ग्यायी, दूसर मृतक नेपाली मजदूर बतयाण जै कि अजों शिनाख्त नी ह्वे पायी। बुधवाद दिन गणाई तरफ आण ह्वाळी आल्टो कार क्वीधार समणी अनियत्रिंत ह्वे कन 300 मीटर गैरू भ्याळ मा पड़ी ग्यायी। ये दुर्घटना मा बनकोट रैवासी मास्टर धीरज कुमार बनकोटी अर एक होर आदमी मौका पर मौत ह्वे ग्यायी। अगल बगल गौं लोग घटनास्थल पर पहॅुची गे छ्यायी। कानून गो रमेश गिरी, गोस्वामी, पटवरी मदन मोहन जोशी अर थानाध्यक्ष हेमचंन्द्र पंत न घटनास्थल पर जैकन मौका मुआयना करी। येक बाद द्वी लाश तै निकाळी कन पोस्टमार्टम कना कुणी भिजे ग्यायी। हादसा मा जिदंगी गंवाण ह्वाळ मास्टर धीरज बनकोटि बागेश्वर क जूनियर हाई स्कूल कपूरी मा तैनात छ्यायी। धीरज की पत्नी निजी स्कूल मा मास्टरयाणी च। उंक आठ अर पॉच साल की द्वी बेटी छन। धीरज बनकोटि जठू भाई भी मास्टर च, जबकि छ्वटू भाई बृजेश बनकोटि मजदूर मोर्चा क प्रांत संगठन मंत्री छन।

Leave a Reply

Your email address will not be published. Required fields are marked *