उत्तराखंड : चमोली अर पिथौरागढ़ मा बादल फटण से भारी नुकसान, एक आदमी मौत, कत्ती कूड़ भौगी गीन

उत्तराखंड : चमोली अर पिथौरागढ़ मा बादल फटण से भारी नुकसान, एक आदमी मौत, कत्ती कूड़ भौगी गीन

पिथौरागढ़ जिला नाचनी क्षेत्र मा ब्याली रात बादल फटण से भारी नुकसान ह्वे ग्यायी। वकी टीमटीया मा कूड़ उजड़ने से एक आदमी मौत ह्वे ग्यायी। मृतक पहचान राम सिंह धर्मशक्तू रूप मा ह्वाई। ये इलाका कू भैंसखाल पंचायत घर चौक भी बौगी ग्यायी। कती कूडू पर खतरा मंडराणा च। ये मलबा मा दबण से राम सिंह (60 वर्ष) नौंन दयान सिंह मौत ह्वे ग्यायी। वखि, धनी देवी (55 वर्ष) घरवलि राम सिंह अर चंद्रा देवी (60 वर्ष) घैल ह्वे ग्यायी।।

थल मुनस्यारी सड़क रातिगाड़ रसियबगड़, नयी बस्ती होर कई जगह बंद छन। यख मलबा मा दबी एक जनानी तै सकुशल निकले ग्यायी। जानकारी मुताबिक यख चार घर जमीदोंज ह्वे गीन। एसडीआएफ टीम घटना स्थल कुणी रवाना ह्वे गे छेयी । खबर च कि बादल फटण दौरान हल्क गाड़ी भी भौगी गीन। वखि दूसर तरफ बड़बगड़ क्षेत्र मा मवेशियू दबण की भी सूचना च। रामगंगा नदी उफान पर च। क्षेत्र गाड़ गदन सम भरे कन बगण छन।

चमोली गोविंद घाट मा भी फटी बादल

ये मामला मा पिथौरागढ़ जिलाधिकारी डॉ. विजय कुमार जोगदंडे न अधिशासी अभियंता लोक निर्माण विभाग तै तत्काल थल मुनस्यारी सड़क खुलण खातिर अतिरिक्त मशीन अर मैन पावर लगाण निर्देश देन। उन मुख्य चिकित्सा अधिकारी तै क्षेत्र मा मेडिकल टीम भीजण अर जिला पूर्ति अधिकारी तै क्षेत्र मा तत्काल खाण पैकेट भीजण भी निर्देश दियेन।

वखि चमोली जिला गोविंद घाट मा भी बादल फटण खबर च। । जाणकारी मुताबिक बादल फटण से पार्किंग मा कत्ती गाड़ी दबी गीन। पुलिस न हेमकुंड जाण ह्वाल श्रदालुओं तै सुरक्षित स्थान मा भेजियाल। थराली क्षेत्र क गुडंम मा द्वी गोशाला टूटण अर कती मवेशियूँ दबण सूचना च।

वखि भारी बरखा बसे कोटद्वार मा बकाश्तकारू सट्टी फसल भौगी ग्याईं । कती जगह सड़क क्षतिग्रस्त ह्वे गीन। जिलाधिकारी स्वाति एस भदौरया गोविंदघाट कुणी रवाना ह्वे ग्यायी। नुकसान जायजा ल्याली। वखि
पिंडरघाटी थराली अर देवाल क्षेत्र मा शुक्रवार रात भारी बरखा से लोगू घर मा मलबा बैठ ग्यायी

Leave a Reply

Your email address will not be published. Required fields are marked *