चौखम्बा मेडिकाॅज व स्टार क्लब साझू स्वास्थ्य कैंप मा घण्डियाल क्षेत्र 150 मरीजू निशुल्क स्वास्थ्य जाॅच

“विचार एक नई सोच” संपादक अर चौखम्बा मेडिकाॅज प्रोपराईटर राकेश बिजल्वाण विशेष अनुरोध पर डाॅ जोशी पौंछीन घण्डियाल।

पौड़ीः विकासखण्ड कल्जीखाळ म मनियारस्यूं पट्टी स्थित घण्डियाल बजार मा चौखम्बा मेडिकाॅज अर स्टार क्लब द्वारा उरयूं साझू स्वास्थ्य शिविर मा प्रदेश वरिष्ठ फिजिशियन अर काॅर्डियोलाॅजिस्ट डाॅ एस डी जोशी न एक सौ पचास से ज्यादा मरीजूं स्वास्थ्य परीक्षण करी। ये मौका पर 60 से ज्यादा मरीजूें की निशुल्क ईसीजी अर पैथोलाॅजी टेस्ट करे ग्यायी । घण्डियाल क साधन सहकारी भवन मा उरयूं ये शिविर मा डाॅ जोशी से स्वास्थ्य परीक्षण करवाण खातिर गौं रैवासियूं भीड़ जमा ह्वे ग्यायी। चौखम्बा मेडिकाॅज ग्रुप सौजन्य से शिविर मा अयंा 60 मरीजौं निशुल्क ईसीजी अर 75 मरीजौं पैथालाॅजी टेस्ट करे गीन।

“पहाड़ प्रेमी राकेश बिजल्वाण कोशिश से गाॅव-गाॅव मा लगीन निःशुल्क स्वास्थ्य कैम्प’’

         बतै दिवा कि ’विचार एक नै सोच’ न्यूज पोर्टल संपादक अर चैखम्बा मेडिकाॅज क प्रोपराईटर राकेश बिजल्वाण कोरोना काल शुरूवात से ही प्रदेश क अलग अलग जगह मा निःशुल्क मास्क अर सेनेटाईजर बॅटणा रैन, ये दगड़ी उंक द्वारा बेहद कम लागत पर उ गरीबौं तै निशुल्क दवै बॅटणा रैन। पिछल कत्ती मैना बिटी पौड़ी जनपद मा घण्डियाल बजार मा कैम्प कन ह्वाळ राकेश बिजल्वाण न जब देखी कि ये क्षेत्र मा स्वास्थ्य सेवाऔं पूर लाभ नी मिली पाणा, तब उन ठेठ ग्रामीण इलाकौं तकन स्वास्थ्य सेवाओं खातिर आज घण्डियाल बजार मा निःशुल्क स्वास्थ्य शिविर उरयाइ्र जै मा अपर सहयोगी दगड़यों अलावा स्टार क्लब श्रीनगर सहयोगी रूप मा जोड़ी कन जण्या मण्यां वरिष्ठ फिजिशियन अर काॅर्डियोलाॅजिस्ट डाॅ एस डी जोशी तै विशेष अनुरोध पर न्यूते गे छ्यायी। जैक परिणाम यी निकळी कि आज पूर क्षेत्र मा लगभग डेढ सौ से ज्यादा लोगू न अपर स्वास्थ्य परीक्षण करवायी अर दवै लेन। स्टार क्लब श्रीनगर सौजन्य से शिविर मा अयां मरीजौं तै मास्ट सैनिटाईजर अर जूस बॅटीन।


ये मौका पर विचार एक नई सोच, न्यूज पोर्टल संपादक राकेश बिजल्वाण, सामाजिक कार्यकर्ता अर वाॅइस आॅफ माउटंेन के जगमोहन डांगी, विक्रम पटवाल, स्टार क्लब क पी0बी0 नैथानी वेद व्रत शर्मा, नवल किशोर जोशी, अजय जोशी, प्रदीप मलल, ग्राम उप प्रधान संजय रावत दगड़ी दीपक जुगराण, सुशील कुमार, नरेश भारद्वाज, मोहित पुरोहित, कंचन, विकास रावत, मेहर चंद आदि मौजूद छ्यायी।

Leave a Reply

Your email address will not be published. Required fields are marked *