मुख्यमंत्री तीरथ न ब्वाल पूरी दुन्या मणदी प्रधानमंत्री नरेंद्र मोदी क नेतृत्व क्षमता, कुंभ दिव्यता अर भव्यता खातिर सरकार प्रतिबद्ध

मुख्यमंत्री तीरथ न ब्वाल पूरी दुन्या मणदी प्रधानमंत्री नरेंद्र मोदी क नेतृत्व क्षमता,
कुंभ दिव्यता अर भव्यता खातिर सरकार प्रतिबद्ध

हरिद्वार मा मुख्यमंत्री न करी लगभग 120 करोड़ विभिन्न योजनाओं लोकार्पण

देहरादून। हरिद्वार महाकुंभ 2021 क तहत मीडिया सेंटर मा उरयू कार्यक्रम मा मुख्यमंत्री तीरथ सिंह रावत न करीब 120 करोड़ लागत की विभिन्न विकास योजनाओं क लोकार्पण करी। ये मौका पर उन ब्वाल कि महाकुंभ की भव्यता अरर दिव्यता खातिर सरकार प्रतिबद्ध च।

मुख्यमंत्री तीरथ सिंह रावत न ब्वाल की कुंभ पूर दुन्या की समलौंण च अर यी यी 12 साल मा एक बार ऐ करद l इन मा कुंभ तै लेकन लोगू मा उत्साह त जरूर छ्यायी लेकिन कोविड-19 तै लेकन घमतोंळ हुयु छ्यायी। ये से यख क व्यापारी वर्ग से लेकन आम जन मा चिंता छेयी। यी चिंता तै देखि कन हमरी सरकार न कुंभ मा आण जाण की अनावश्यक रोक टोक तै खत्म कर याल। लेकिन भारत सरकार बिटी जारी कोविड-19 की गाइडलाइन तै हर हाल मा पूर कन ब्वाल।

उन ब्वाल कि कुंभ पर हमर पूर फोकस छ। ये से भव्य अर दिव्य बणाण कुणी पूर प्रयास करयाणा छन्न । यख कनी भी क्वी दिक्कत नि आली। अखाड़ा परिषदों से लेकन श्रद्धालुओं तै कोविड-19 क गाइडलाइन क अनुपालन क बाबत बतये ग्यायी । कुम्भ म्याळ मा आण जाण तै बेहतर कना कुणी यख यात्री वाहनों की संख्या मा 4 गुना तकन इजाफा करे ग्यायी।

मुख्यमंत्री न ब्वाल कि ग्रामीण क्षेत्रों मा बणी विकास प्राधिकरण क अस्तित्व तै हमरी सरकार न खत्म कर द्याय। हमरी सरकार न कोविड-19 क दौरान काम कन ह्वाल पर लग्या मुकदमों तै वापस लियाल।

मुख्यमंत्री तीरथ सिंह रावत न ब्वाल कि प्रधानमंत्री नरेंद्र मोदी न पहाड़ मा रेल क सूपिन पूर करयाल। पैल लोग सड़क की मांग करद छ्यायी आज ट्रेन की बात हूँणी। उक नेतृत्व मा ही यी बदलाव संभव ह्वे पायी। आण ह्वाल दिन मा यख रोजगार की भी क्वी कमी नि ह्वेळी ।

उन ब्वाल कि प्रधानमंत्री नरेंद्र मोदी आज देश क नेतृत्व कना छन लेकिन पूर दुन्या मा उकी नेतृत्व क्षमता क लोहा मने जांद पूर विश्व मा उक नेतृत्व क तारीफ करे जांद।

ये मौका पर केंद्रीय शिक्षा मंत्री डाॅ रमेश पोखरियाल निशंक, विधानसभा अध्यक्ष प्रेमचंद्र अग्रवाल, प्रदेश अध्यक्ष भाजपा मदन कौशिक राज्यमंत्री स्वामी यतीस्वरानंद, विधायक आदेश चौहान, सुरेश राठोर, आयुक्त गढ़वाल मंडल रविनाथ रमन समेत कई जनप्रतिनिधि व अधिकारी मौजूद रैन।

Loading...

Leave a Reply

Your email address will not be published. Required fields are marked *