मुख्यमंत्री अर जनता बीच दूरी कारण बणनी छेयी फॉर्च्यूनर गाड़ी, फॉर्च्यूनर छोड़ी कप इनोवा मा बैठल मुख्यमंत्री तीरथ सिंह रावत

उत्तराखण्ड मुख्यमंत्री तीरथ सिंहर रावत जनता प्रेम साफ जाहिर हूणूं। उन त मुख्यमंत्री बणन बाद तीरथ सिंह रावत लगातार जनता अर कार्यकर्ताओं से सीध मिलना रंदीन। लेकिन अब अपरी गाड़ी बिटी भी तीरथ सिंह रावत न अपर जनता प्रेम तै होर पुख्ता करयाल। कोरोना वायरस से ठीक हूण बाद सार्वजनिक कार्यक्रम मा शिरकत कना बाबत निकळया तीरथ सिंह रावत फॉर्च्यूनर गाड़ी छोड़ी कन अब इनोवा गाड़ी मा सवार हूणा छन, फॉर्च्यूनर गाड़ी उन त सुरक्षा लिहाज से काफी फैदामंद अर महत्वपूर्ण हूंद, क्योंकि बुलुट फ्रूफ गाड़ी मुख्यमंत्री मा रै करद। त्रिवेन्द्र सिंह रातव भी बुलुट फु्रफ गाड़ी मा ही बैठद छ्यायी। लेकिन तीरथ सिंह रावत न फॉर्च्यूनर गाड़ी छोड़ इनोवा गाड़ी मा सवार हूण क निर्णय इलै ल्यायी कि फॉर्न्यूनर गाड़ी ज्वा मुख्यमंत्री मा छ वीं गाड़ी शीशा नी खुल सकदन जै वजह से अगर जनता उंक समणी आव अर उ गाड़ी मा बैठया ह्वाव त जनता से मुखाभेंट नी ह्वे पाणी छेयी। ये वजह से सीएम तीरथ सिंह रावत न इनोवा गाड़ी मा सवार हूण फैसला ल्यायी, ताकि अगर जनता या कार्यकर्ता उंसे मिलण चंदीन अर उ वै बगत जनता से मील सकदन या जनता से सीध बात भी कर सकदन, मुख्यमंत्री क ये निर्णय से यी साबित हूंद कि वास्तव मा तीरथ सिंह रावत जनता से सीध लगाव रखण चंदीन, यी वजह छ कि उन इनोवा गाड़ी मा घूमण शुरू करयाल।

Loading...

Leave a Reply

Your email address will not be published. Required fields are marked *