दिल्ली मा सीएम तीरथ सिंह रावत क भव्य स्वागत, सीएम न ब्वाल उत्तराखंड मा जन जनता चाली, वनि करे जाल

दिल्ली मा सीएम तीरथ सिंह रावत क भव्य स्वागत, सीएम न ब्वाल उत्तराखंड मा जन जनता चाली, वनि करे जाल।

उत्तराखण्ड सदन मा बड़ी तादाद मा पहुंची उत्तराखण्ड मूल क लोग।

सीएम न जनहित अर प्रदेश क विकास तै बतायी सर्वोपरि

दिल्ली/देहरादून। उत्तराखण्ड क मुख्यमंत्री क पदभार संभळंण बाद पैल बार दिल्ली पहुंची तीरथ सिंह रावत क उत्तराखण्ड सदन मा खूब आवा भगत ह्वाई। बड़ी संख्या मा सदन मा मौजूद उत्तराखण्ड मूल क लोगू न मुख्यमंत्री क फूल-मालाओं न आवा भगत करी ।

ये मौका पर मुख्यमंत्री न ब्वाल कि हमरी सरकार जनभवनाओं क अनुरूप काम करली। जनता जन चाली उनि करे जाल। प्रधानमंत्री नरेन्द्र मोदी क दिशा-निर्देशन मा उत्तराखण्ड क चहुमुंखी विकास करे जाल। उत्तराखण्ड बाबत प्रधानमंत्री जी क अपार लगाव क बदौलत ही यख चारधाम ऑल वैदर रोड, ऋषिकेश-कर्णप्रयाग रेल प्रोजेक्ट्, केदारनाथ-बदरीनाथ धाम पुनर्निर्माण समेत तमाम परियोजनाएं संचालित हूँणा छन। उत्तराखण्ड विकास तरफ अगड़ी बढ़णा छन।

मुख्यमंत्री तीरथ सिंह रावत न ब्वाल कि उन मुख्यमंत्री बणया अभी एक हप्ता बीती। ये दौरान उन जनभावनाओं क अनुरूप फैसले लेन। सबसे पैल कोरोनाकाल मा जौ 4500 लोगू पर महामारी एक्ट क तहत मकदमे दर्ज करे गे छ्यायी, उन मुकदमों तै सरकार न वापस लियाल। यूँ मा अधिकांश मुकदमा उ लोगों पर दर्ज छ्यायी जू कारोनाकाल मा जरूरतमंदों की मदद मा लग्या छ्यायी। उन ब्वाल कि विकास प्राधिकरणों क मनमानी से पहाड़ी क्षेत्र रैवासि परेशान छ्यायी त। हमरी सरकार बिना देर करया बगैर पहाड़ी जिलों मा प्राधिकारणु अस्तित्व खत्म कर याल । कुंभ स्नान बाबत देश-विदेश क सभी श्रद्धालुओं तै कुंभ स्नान बाबत हरिद्वार आंमंत्रित बुलये ग्यायी। कुम्भ मेले बाबत केन्द्र सरकार की गाइडलाइन तै ध्यान रखे जाल परंतु अनावश्यक रोक टोक नि ह्वेळी। मुख्यमंत्री न ब्वाल कि कोरोना क प्रभाव कारण घर बौड़ी कन अया प्रवासी उत्तराखण्डियों तै रोजगार क मौका उपलब्ध करयाणा छन। उन स्वरोजगार शुरू कना बाबत ब्याज रहित ऋण मुहैया करवायाणा छन। उकी हर समस्या क समाधान सरकार करली। उन उत्तराखण्ड मूल क लोगू से आग्रह करी कि उ भी उत्तराखण्ड राज्य क विकास अर जनकल्याण मा अपर योगदान द्याव।

ये मौके पर नैनीताल क सांसद अजय भट्ट, कैबिनेट मंत्री अरविन्द पाण्डेय, पूर्व सांसद बलराज पासी समेत कती गणमान्य व्यक्ति उपस्थित छ्यायी।

Loading...

Leave a Reply

Your email address will not be published. Required fields are marked *