ये पहाड़ी जिला मा नशा मा बेटा न ब्वे दगड़ी खेली ल्वे की ‘होली’, पैल पत्थर फोड़ी खुपड़ी फिर चक्कु न कचे कन जान से मारी

उत्तराखंड क पौड़ी जिला मा घुड़दौड़स्यूं पट्टी क सिमखेत गांव मा नशा मा धुत एक छवारा न अपरी ब्वे तै पत्थर मन क बाद चक्कू न कचे दयायी। बुरी तरह घायल महिला न एम्स ऋषिकेश मा इलाज दौरान दम तोड़ दयायि।

पुलिस न छोटे बेटा की तहरीर पर मुकदमा दर्ज करी कन आरोपी तै हिरासत मा ल्याई । घटना से क्षेत्र मा दहशत क माहौल बण्यू च। थाना क्षेत्र पौड़ी क सिमखेत गांव मा 50 वर्षीय कमला देवी पत्नी स्व. यशपाल सिंह अपर तीन बेटों दगड़ी रैंदी छेयी।
विज्ञापन

उक सबसे बड़ा बेटा विकास(26)अक्सर नशा करी कन नशा हालत मा रंद छ्यायी। मंगलवार शाम तै भी विकास नशा हालत मा घर पहुंची। मां दगड़ी वेकी कै बात पर बोलचाल ह्वे ग्यायी । विकास नशा मा इथगा धुत छ्यायी कि वेन पैल अपरी ब्वे क मुंड पर पत्थर न मारी अर फिर चक्कू न कत्ती प्रहार कर देन ।

Loading...

विकास क द्वी छुट्ट भाई जब तकन कुछ कर पांद, मां बुरी तरह घायल ह्वे ग्यायी। द्वी भाइयू न जन तन करी कन पैल सामुदायिक स्वास्थ्य केंद्र पाबौ मा भर्ती करायी। हालत नाजुक हूंण से डाक्टरों न प्राथमिक उपचार क बाद उते जिला चिकित्सालय पौड़ी रेफर कर दयायि।

जिला चिकित्सालय पौड़ी बटी उते मेडिकल कालेज श्रीनगर अर फिर एम्स ऋषिकेश कुणी रेफर कर दिये ग्यायी । एम्स ऋषिकेश मा उपचार क दौरान महिला न दम तोड़ दयायि। मृतका क कणसू नौन अजय की तहरीर क आधार पर पुलिस न आरोपी क खिलाफ हत्या का प्रयास अर धारदार हथियार से हमला कन की धाराओं मा मुकदमा दर्ज करयाल।

पुलिस उपनिरीक्षक अजय न बताया कि मां की हत्या क आरोपी विकास तै हिरासत मा ले लिये ग्यायी। मृतका की पोस्टमार्टम रिपोर्ट आण क बाद मुकदमे की धारा बदल जाली।

Loading...

Leave a Reply

Your email address will not be published. Required fields are marked *