भारतीय युवती सयेदा मर्यम जू दोहा कतर मा फंसी च वीक पता बताण ह्वाल तै 30 हजार रुपया इनाम: रोशन रतूड़ी

एक बार फिर इंसानियत खातिर उत्तराखंड मूल रैवासी रोशन रतूड़ी सदनीं एथर रै करदन। रोशन रतूड़ी विदेश मा एजेंट, औऱ कबूतरबाजों चक्कर मा फँस्या लोगू तै भैर निकाली कन उते अपर देश लखे कन अपर देवभूमि का मान बढे करदन। आज तकन उन सैकड़ों लोगू तै कै ना कै मुसीबत से निकाळ, यी कारण च कि जब भी क्वी विदेश मा एजेंट चक्कर मा या कंपनी धोखाधड़ी मा फंसी जदिन त उ रोशन रतूड़ी से मदद खातिर धाद लगे करदन। जब भी यूँ तै कखी क्वी मुसीबत मा फँसयू क्वी भारतीय बाबत पता चलदू त यी सदनीं इंसानियत खातिर एथर ए जै करदन।

Loading...

एक बार फिर रोशन रतूड़ी न सोशल मीडिया अपर पेज मा अपर बात शेयर करि की भारत की या बेटी दोहा-क़तर मा फँसी च, बिटिया नाम-सयेदा मर्यम च, अर या तेलंगाना राज्य रैवासी च। सुणन मा आयी कि कै फ़र्ज़ी Indian ऐजैंट क द्वारा या बीचे ग्यायी , यी बैणी की मदद खातिर हर भारतीय यी तै ढूँढण मा मदद करो, आप मनन कै भी सज्जन तैं कखी भी यी बैणी बाबत पता मिलो त ,कृपा करी कन म्यार ये नम्बर पर सम्पर्क कर्या (+971-504091945 ) हम सब भारतीयूँ तै मिलीकन यी बैणी की मदद कन।
पता बताण ह्वाल तै मेरी तरफ बिटी 30,000 हज़ार रूपये नगद इनाम दिया जाल। एक दगड़ी साथ हम तै क़तर मा भारतीय दूतावास तकन यी बैणी तैपहुँचाण ज़रूरी च। इंसानियत क्वी जाति धर्म नि ह्वे करदू । जथगा ह्वे सकदू दूसरू की सहायता करी कन इंसानियत तै समाज मा ज़िंदा रखणु।

Loading...

Leave a Reply

Your email address will not be published. Required fields are marked *