जौलीग्रांट एयरपोर्ट बिटी अगल हप्ता यूं शहरौं बाबत शुरू ह्वेली चार नै फ्लाईट, या छ शैड्यूल

देहरादून जौलीग्रांट एयरपोर्ट पर अगल हप्ता चार नै उड़ान शुरू ह्वेली। तीन उड़ान इंडिगो अर एक स्पाईसजेट, विमानन कंपनी शुरू कना छ। नै फ्लाईट शेड्यूल तय ह्वे ग्यायी।
कोरोना संक्रमण रोकथाम बाबत लगये ग्यायी लाॅकडाउन बाद पिछल 25 मई बिटी हवाई सेवा शुरू करे गे छ्यायी। सै सै मा हवाईयात्रियों अर फ्लाईटों मा इजाफा हूण शुरू ह्वे ग्यायी। अगल हप्ता यानी सोमनवार से नै फ्लाईटों संचालन शुरू ह्वे जाल। एयरपोर्ट डाॅयरेक्टर डीके गौतम न बतै कि मुंबई, अहमादाबाद, कोलकाता अर हैदराबाद खातिर चार नै फ्लाईटें शुरू हूण ह्वाळ छ। मुबंई-देहरादून खातिर सोमवार, बुधवार अर शुक्रवार कुणी विमान सुबह नौ बजीकन 50 मिनट पर आल, अर 10ः50 बजे वापसी कुणी उड़ान भरल।
या छ शेडयूल
ठनी मंगलवार, वृहस्पतिवार, शनिवार, अर रविवार कुणी 6ः10 बजे फ्लाईट आली अर 6ः50 बजे वापिस जाली। अहमदाबाद अर देहरादून कुणी मंगलवार, वृहस्पतिवार अर शनिवार कुणी 11ः30 बजे विमान आल अर 12 बजे वापिस जाली।
वखी, कोलकाता-देहरादून बाबत विमान मंगलवार, वृहस्पतिवार अर शनिवार कुणी उड़ान भरल। विमान दुफरा मा 02 बजे जौलीग्रांट एयरपोर्ट पंहुचीकन तीन बजे वापस आल। इनी 16 सितम्बर बुधवार बिटी हैदराबाद बिटी देहरादून खातिर हवाई सेवा शुरू ह्वे जाली। विमान सोमवार, बुधवार, शुक्रवार और रविवार कुणी आवाजाही करल। हैदराबाद से विमान 15ः25 बजे दून पहॅुचीकन, फिर 1ः05 बजे दिन मा वापिस कुणी उड़ान भरल।
ये बाबत एयरपोर्ट डायरेक्टर डीके गौतम न बतै कि लाॅकडाउन बाद 6-7 फ्लाईट शुरू करे गे छेयी, जौंक संख्या बढीकन 15 तकन ह्वे ग्यायी। सै सै हवाई यात्रियौं संख्या मा भी बढौतरी हूणा।

Leave a Reply

Your email address will not be published. Required fields are marked *