कोरोनिल बंपर बिक्री : बाबा रामदेव न ब्वाल – हर दिन 10 लाख पैकेट मांग, पूर्ति कना बड़ी चुनौती

नई दिल्ली। कोरोना वायरस बीमरी बीच बाबा रामदेव पतंजलि कोरोनिल दवे कि मार्केट मा काफी मांग हूँणा छ। योग गुरु रामदेव दावा छ कि पतंजलि आयुर्वेद तै कोविड-19 की प्रतिरोधक क्षमता बढ़ाण ह्वाली विवादित दवा कोरोनिल बाबत हर दिन 10 लाख पैकेट की मांग मिलणी छ। रामदेव न बुधवार कुणी ब्वाल कि हरिद्वार स्थित यी कंपनी मांग तै पूर कना बाबत जूझणा छ , किलैकि फिलहाल उ हर दिन सिर्फ एक लाख पैकेट की आपूर्ति कर पाणा छन।

बाबा रामदेव न दावा करी, ‘आज हमुम रोज कोरोनिल 10 लाख पैकेट की मांग छ अर हम केवल एक लाख की आपूर्ति कर पाणा छवा ।’ रामदेव न ब्वाल कि पंतंजलि आयुर्वेद न येकी कीमत केवल 500 रुपये रखी छेयी। उन ब्वाल, ‘कोरोना वायरस महामारी दौर मा अगर हमन यीकी ज्यादा कीमत, यख तक कि 5000 रुपये लगयी हूंद तब भी हम आसानी से 5,000 करोड़ रुपये तक कमे सकद छ्यायी। लेकिन हमन इन नी करी।’

रामदेव उद्योग संस्था एसोचैन द्वारा आयोजित कार्यक्रम ‘आत्म निर्भर भारत- वोकल फॉर लोकल’ को वीडियो कॉन्फ्रेंस बिटी संबोधित कना छ्यायी।

ये से पैल जून म रामदेव न दावा करी छेयी कि कोरोनिल कोविड-19 रोगियों तै ठीक कर सकद। हालांकि, आयुष मंत्रालय न ये तै तुरंत बीचण पर प्रतिबंध लगे दयायी अर बाद मा केंद्रीय मंत्रालय न ब्वाल कि पतंजलि ये उत्पाद कुणी केवल प्रतिरोधक क्षमता बढ़ाण की दवा तै बेच सकदी अर कोविड-19 क इलाज रूप मा ये तै नि बीचे जै सकयाद।

Leave a Reply

Your email address will not be published. Required fields are marked *