अंतेष्टि मा जाणा छ्यायी, तबरी गाड़ी भ्याळ मा पड़ी अर 10 लोगू उखमी मौत, पूर क्षेत्र मा मातम माहौल

उत्तराखण्ड चमोली देवाल बिटी 30 किमी दूर बलाण -हिमनी सड़क पर इतवार दिन हादसा मा मृतक लोग कैकी गत्ति कना खातिर जाणा छ्यायी लेकिन गाड़ी भ्याळ मा पड़न से दस लोग नदी मा समै गीन। हादसा इथगा भयंकर छ्यायी कि कार भ्याळ मा पड़दी सार अंखड़ पंखड़ सब्ब टूटी गीन। ये हादसा मा पॉच लोग घैल ह्वे गीन। घैल लोगू तै 108 मदद से सीएचसी थराली लये ग्यायी। द्वी लाश तै खाई बिटी निकळै ग्यायी। देर रात तकन होर लोगू खोजबीन चलणी छ। दुर्घटना ह्वाळ जगह मा क्वी सम्पर्क सूत्र नी हूण कारण प्रशासन तै द्वी घंटा देर मा खबर मिली। देवाल से ऐथर घेस घाटी मा आज भी संचार क्वी सुविधा नी छ। इन मा घैल तै बचाण उम्मीद भी छेयी, देर हूण कारण उन दम तोड़ द्यायी। गौं लोगू न 30 किमी दूर जैकन हादसा खबर होर लोगू तै द्यायी, तबरी तकन घैल लोग तड़पणा रैन। सड़क बदहाल हूण कारण यख गाड़ी 20 किमी प्रति घंटा से ज्यादा तेज नी चल सकदन। ये कारण भी प्रशासन टीम भी दुर्घटना ह्वाळ जगह मा देर से पौंछी। कुछ घैल लोगू बुलण छ कि सड़क की बदहाल स्थिति छ, अर सड़क मा जगह जगह गैर गढ्ढा अर मलवा हूण कारण चलद वाहन अंसतुलित ह्वे ग्यायी अर भ्याळ मा समै ग्यायी।

Leave a Reply

Your email address will not be published. Required fields are marked *