उत्तराखण्ड यीं जगह बादळ फटण से पॉच गौं लोगू जान मा आफत,, 11 कूड़ उजडी गेन

उत्तराखण्ड चमोली जिला देवाल बण मा बादळ फटण से कत्ती गौ। मा तबहै हुयीं च। हालांकि उन प्रशासन ये तै बिण्डी सरग बरखण बताणा। यख रात करीब साढे दस बजे उलनग्रा, तलौर, पदमल्ला, बामन, बेरा, फलदीया गौं मा इबरी हाय तौबा मच्यूं छ। बादळ फटण से यूं गौं मा भारी मलवा ऐ ग्यायी। वखी फल्दिया गौं बीचों बीच बगण ह्वाद्यळ गाढ मा भारी मलवा आण से एक जनानि अर एक नौनी बौगी ग्यायी। यख सरग न इन तवै करीं कि गौं मा 11 कूड़ बौगी गेन। गोर भैसं, खाण पीण सामान सब्बी पाणी मा बगी गेन।

फल्दिया गौं मा बिजली भी गुल हुयीं च। पाणी पैप लैन टूटी गेन। पूर गौं मा हाहाकार हुयूं च। लोग अजों भी खौफ साया मा जीणा छन। उ अपर उजड़या अर बग्या गोर भैंस अर सामान बाना इने उने डबखणा छन। पुलिस अर एसडीएम के एस नेगी समेत पूर प्रशासन टी मौका पर पौंछी ग्यायी। येक अलावा देवाल क्षेत्र सब्बी सड़क बंद ह्वे गेन। पुलिस अर एसडीएम के एस नेगी समेत पूर प्रशासन टी मौका ऐ ग्यायी। येक अलावा देवाल क्षेत्र मा सब्बी सड़क बंद ह्वे गेन।

Leave a Reply

Your email address will not be published. Required fields are marked *