डॉ गोविंद चातक स्मृति आखर साहित्य सम्मान 2019 से यूँ वरिष्ठ साहित्यकार तै सम्मानित करे ग्यायी

डॉ गोविंद चातक स्मृति आखर साहित्य सम्मान 2019 से यूँ वरिष्ठ साहित्यकार तै सम्मानित करे ग्यायी

आज हिंदी भवन देहरादून मा आखर समिति श्रीनगर गढ़वाल तरफ बिटी उत्तराखण्ड कि दिवंगत महान विभूति अर मूर्धन्य लोक साहित्यकार डॉ.गोविन्द चातक जी की स्मृति मा वूं कि जयन्ती पर कार्यक्रम उरए ग्यायी। आज ये कार्यक्रम मा डॉ.गोविन्द चातक स्मृति आखर साहित्य सम्मान अर डा.गोविन्द चातक स्मृति व्याख्यान माला , पुस्तक लोकार्पण करे ग्यायी। आखर समिति न डॉ गोविंद चातक स्मृति आखर सम्मान 2019 वरिष्ठ साहित्यकार श्री मोहन नेगी अर श्री बचन सिंह नेगी जी तै दिए ग्यायी। ये सम्मान मा 5500 – 5500 नगद धनराशि अर आखर समिति तरफ बिटी स्मृति चिन्ह भेंट करे ग्यायी।
आज कार्यक्रम अध्यक्षता वरिष्ठ साहित्यकार हिंदी विभागाध्यक्ष राजकीय स्ना0 महाविद्यालय ऋषिकेश डॉ नंद किशोर ढोढियाल ” अरूण” मुख्य अतिथि रोशन धस्माना , अध्यक्ष अखिल गढ़वाल सभा देहरादून, अतिथि वक्ता प्रो0 सुरेश ममगाईं, श्री नरेन्द्र कठैत, वरिष्ठ साहित्यकार, अर श्री मोहन नेगी, बचन सिंह नेगी जी न डॉ गोविंग चातक व्यक्तिव अर उक साहित्य पर विचार रखींन। कार्यक्रम संचालन वीना बेंजवाल न करी। वखि आखर समिति अध्यक्ष संदीप रावत न ब्वाल कि हम आखर समिति तै सिर्फ श्रीनगर गढ़वाल तक ही सीमित न रखण बल्कि पूर उत्तराखंड मा ये कार्यक्रम तै उरयाण अर साहित्यकार तै सम्मान दिलाण खातिर दगड़ी लोकभाषा तै बढ़ावा दीण खातिर प्रयासरत राल।
आज कार्यक्रम मा रमाकांत बेंजवाल, बलबीर राणा “अडिग”, सत्यानन्द बडोनी, अनूप रावत, संदीप कठैत, सुरेश स्नेही, कांता घिल्डियाल, अंजना घिल्डियाल भट्ट, मधुरवादिनी तिवारी, अर होर गणमान्य उपस्थित छ्यायी।

Loading...

Leave a Reply

Your email address will not be published. Required fields are marked *