डॉक्टर साहब नशा मा इथगा धुत ह्वे गेंन कि होटल समझीकन पौछि गेन कोतवाली अर वेक बाद फिर बुन्न क्या तब……..

श्रीनगर: राजकीय मेडिकल कॉलेज क डॉक्टर साहब नशा
मा इथगा धुत ह्वे गेंन कि उ कोतवाली तै होटल समझीकन घुस गेन।

कोतवाली परिसर मा जैकन उ कार क भीतर आराम फरमाण लगी गेन। यन देखिकन ड्यूटी पर तैनात पुलिस अधिकारी/कर्मचारी भी आश्चर्य मा पड़ी गेन।

सरा बात समझिकन पुलिस न उक ड्रंक एंड ड्राइव मा चालान करी द्यायी। दूसर दिन फजल एकन द्वी होर डॉक्टरू न जमानत देकन अपर दगड़ लेकन गेन ।

मेडिकल कॉलेज मा डॉक्टर च यू मनिख

ब्याळी रात कोतवाली परिसर माँ एक कार आई, लेकिन भीतर बटे क्वी भी भैर नि निकळी। शक हूणं पर पुलिस ह्वालू भीतर झांकी, त एक आदमी लगभग बेसुध हालात मा लमतम ह्वे कन ड्राइविंग सीट मा पड्यू छ्यायी । वे तै भीतर अंदर आण कारण पूछे ग्यायी त वेन बतायी कि उ आराम कनू च ।

नाइट अफसर एसआई महेश रावत भांप गेन कि कार चालक नशे मा धुत डूब गेन। पूछताछ मा जानकारी मिली कि उ मेडिकल कॉलेज मा डॉक्टर छन। वे तै बड़ी मुश्किल से कार बटी भैर निकाळी कन एल्कोमीटर से जांच करे ग्यायी ।
ड्रंक एंड ड्राइव केस दर्ज

जांच मा पुष्टि हूणं पर ड्रंक एंड ड्राइव क केस दर्ज करी कन कार तै सीज कर दिये ग्यायी। ये डॉक्टर पर पैल भी ड्रंक एंड ड्राइव क केस दर्ज छूयूँ च।

मेडिकल कॉलेज अक्सर कै ना कै घटना तै लेकन छूयूँ मा रै करदु। एक मैना पैल भी कॉलेज प्रशासन न एक नशेड़ी अस्थायी कर्मचारी तै ड्यूटी मा लापरवाही बरतण पर नौकरी से निकाळी द्यायी।

Leave a Reply

Your email address will not be published. Required fields are marked *