निर्दयी बुबा न शराब नशा मा अपर चार बच्चों तै कैंची न कच्यायी जै मा एक मौत, तीन बच्चों क अंदड़ पीदंड निकळी गेन भैर, अस्पताळ मा भर्ती

निरभगी बुब्बा न अपर चार बच्चांं पर कैंची हमला करी द्यायी। यूं मनन एक बेटा उखमी मौत ह्वे ग्यायी, जबकि द्वी बिटल अर एक बेटा बुरी तरह से घैल हूयूं, उतैं काशीपुर क एक निजी अस्पताळ मा भर्ती करे ग्यायी। आरोपी कजै खिलाफ वैक कज्याणी कलावती न ठाकुरद्वारा कोतवाली मा रिपोर्ट दर्ज करयीं। पुलिस टीम आरोपी तै पकड़न खातिर दबिश दीणा, लेकिन अजों तकन आरोपी पकड़े नी ग्यायी।

ठाकुरद्वारा पुलिस चौकी मा दर्ज रिपोर्ट मा गौं निर्मलपुर निवासी कलावती न ब्वाल कि वींक पति रोहताश शराब पीणा क आदी च, अर परिवार प्रति दायित्व क बाबत लापरवाह च। घर खर्च तै लेकन उ वींतै अर बच्चों तै परेशान करदू छ्यायी। रोहताश पैल भी कत्ती दफा बच्चों तै जान से मरण की धमकी दींद छ्यायी। इतवार रात दस बजे रोहताश न कैंची से हमला करी कन नौन रवि तै जान से मार द्यायी, अर जबकि द्वी नौनी शिवानी, व सलोनी अर नौन आकाश तै गंभीर रूप से घैल करी द्यायी। तहरीर आधार पर पुलिस रोहताश खिलाफ धारा 302 अर 307 क तहत मुकदमा दर्ज कर द्यायी। ये मुकदमा की विवेचना ठाकुरद्वारा कोतवाल मनोज कुमार सिंह कना च। कोतवाल न बतै कि आरोपी की गिरप्तारी कुणी तीन पुलिस टीम गठित करे ग्यायी। पुलिस संभावित ठिकणू पर दबिश दीणा।

Loading...

उने काशीपुर क गिरीताल स्थित श्रीकृष्णा अस्पताळ मा भर्ती धैल की हालात गंभीर बतये ग्यायी। अस्पताळ क प्रबंधक डॉ मयंक अग्रवाल न बतै कि कैंची से हमला कना कारण सब्बी बच्चों क पुटग फटी गेन अर द्वी बच्चों की अंदड़ पींदंड़ भैर ऐ गेन, उंक सर्जरी करे ग्यायी। गरीबी कारण घैल बच्चों परिवार आर्थिक तंगी से जूझणा च। ठाकुरद्वारा कोतवाल मनोज कुमार सिंह घैल क उपचार खातिर अपर तरफ बिटी पचास हजार रूप्या बैंक मा जमा करै येन। भतीजा वजह से कलावती जान बची ग्यायी। रोहताश क पूर परिवार तै खत्म कना कू इरदू छ्यायी। उ चार बच्चों पुटग पर कैचीं घोपी चुकी गे छ्यायी। बच्चों की चीख सुणी कन कलावती जब बिज्जी च त वैक मुख पर हैवानियत देखी कन जान बचाण बान भागी च। तबरी ये बीच रोहताश क भाई छ़त्रपाल नौन सुनील उखम ऐ ग्यायी। वैन रोहताश तै पकडी कन कैंची लूछी द्यायी, रोहताश अपर भतीजू तै धकेली कन उख बटी भागी ग्यायी।

Loading...

Leave a Reply

Your email address will not be published. Required fields are marked *