उत्तराखंड मा नी खुलल 21 सितम्बर बिटी स्कूल, सुणो क्या बुलणा छन शिक्षा मंत्री अरविंद पांडेय

उत्तराखण्ड शिक्षा मंत्री अरविंद पांडे न ल्यायी अजों स्कूल नी खुलन निर्णय

देहरादूनः उत्तराखण्ड शिक्षा विभाग बिटी बड़ी खबर समणी आणी छ। कोरोना संक्रमण खतरा तै देखी कन उत्तराखण्ड मा 21 सितम्बर बिटी विद्यालयौं तै नी खुलण निर्णय ल्यायी। शिक्षा मंत्री अरविंद पाण्डेय न विभागीय अधिकारियौं तै ये बाबत संबंधित निर्देश देन। आप की जाणकारी बाबत बतै दिवां कि लाॅक- 4 मा केन्द्र सरकार गाईडलाईन तहत सरकार न स्कूल खुलण निर्णय ले छ्यायी। इन मा छात्र केवल परामर्श लीण बाबत शिक्षकौं तै स्कूल मा जैकन मिल सकदन अर अपरी समस्याऔं निराकरण करवे सकदन।

            मीडिया रिपोर्टस आधार पर केन्द्र गाईड लाइन पर उत्तराखण्ड सरकार द्वारा एसओ जारी न हूण पर उत्तराखण्ड शिक्षा विभाग दगड़ी प्राईवेट स्कूल भी असमंजस स्थिति मा छ्यायी कि उ प्रदेश मा बढद कोरोना वायरस मामलौं बीच स्कूल खुलल या ना। उत्तराखंड शिक्षा मंत्री अरविंद पांडे न बड़ू निर्णलय लेकन फिलहाल प्रदेश मा 21 सितम्बर बिटी स्कूल नी खुलण ऐलान करयाल, निर्णय मा अब उत्तराखण्ड मा 21 सितम्बर बिटी 50 प्रतिशत शिक्षकौं उपस्थिति दगड़ी छात्रौं परामर्श बाबत स्कूल नी खुले जाल।

 

Leave a Reply

Your email address will not be published. Required fields are marked *